Páxinas
Novas

Novas

Image Slider
A RAG acolle a presentación do libro de correspondencia de Martínez-Risco co galeguismo exterior publicado pola Deputación da Coruña
Páxinas suxeridas
  • Cultura
    Información sobre premios, rede cultural, bolsas, publicacións, etc.
  • Rede Cultural da Deputación da Coruña
    Programas de música e teatro para grupos non profesionais, de música clásica para intérpretes profesionais e de teatro e marionetas para compañías profesionais.
  • Premios
    Convocatorias de premios e concursos de Cultura
  • Salas Municipais
    Relación de salas dos concellos destinadas a actuacións e concertos
  • I Premio “Begoña Caamaño”
    En memoria da xornalista, escritora, activista cultural e feminista galega Begoña Caamaño, e coa finalidade de recoñecer as persoas e iniciativas culturais e artísticas que promoven socialmente a igualdade de xénero desde o campo da cultura, a Deputación da Coruña convoca o Premio Begoña Caamaño á Mellor Iniciativa Cultural pola de Igualdade de Xénero
  • Teléfonos
    Listado de teléfonos de interés da Deputación Provincial
  • Fotografía turística "93 destinos por descubrir"
O volume xunta 270 cartas escritas ou remitidas a quen foi presidente da RAG de 1960 a 1977 nunha edición ao coidado do profesor Xosé Ramón Freixeiro Mato

A RAG acolle a presentación do libro de correspondencia de Martínez-Risco co galeguismo exterior publicado pola Deputación da Coruña

01 de Febreiro de 2017

Eduardo Blanco-Amor, Xosé Neira Vilas ou Luís Seoane son algúns dos moitos persoeiros da Galicia na diáspora que intercambiaron cartas co xurista, escritor e académico Sebastián Martínez-Risco (Ourense, 1899 – A Coruña, 1977). 270 desas cartas foron recollidas no libro Onde ferve o amor por Galiza. Correspondencia do galeguismo exterior con Sebastián Martínez-Risco (1942-1977), edición ao coidado do profesor da Universidade da Coruña publicada pola Deputación da Coruña.

A obra, que recompila sobre todo cartas do arquivo persoal de Martínez-Risco e outras conseguidas en institucións como o Centro Galego de Boos Aires, foi presentada esta mañá na sede da RAG nunha rolda de prensa na que o investigador estivo acompañado polo presidente da Academia, Xesús Alonso Montero; a vicepresidenta da Deputación da Coruña, Goretti Sanmartín; e a actriz Isabel Risco, neta de Martínez-Risco. O libro toma o seu título dunha frase extraída dunha carta que Isaac Díaz Pardo lle escribiu a Martínez-Risco en 1955 desde Arxentina. O editor escolleuna "porque representa moi ben ese sentimento de preocupación polo futuro de Galicia" que lle amosaban ao académico as persoas que contactaban con el desde o exterior, moitos deles galegos exiliados e emigrados, pero tamén persoas interesadas na nosa cultura de Portugal, Francia ou América.

A vicepresidenta da Deputación salientou a importancia da publicación deste material para profundar no coñecemento dunha época complicada para as nosas lingua e cultura. "A través destas cartas podemos saber cales eran as preocupacións do momento e que se estaba facendo polo país nun e noutro lado, no exterior. Miramos ao pasado non con intención arqueolóxica, senón co propósito de aprender del para proxectarnos cara a un futuro mellor", valorou Goretti Sanmartín. "Estes textos ábrennos os ollos sobre o importante labor que se fixo no exterior pola cultura galega e temos que coñecelos para proxectarnos nun futuro mellor", engadiu a vicepresidenta da Deputación.

A presentación tivo lugar o mesmo día en que a Real Academia Galega celebrará, ás 19.30 horas, unha homenaxe a Sebastián Martínez-Risco coorganizada coa Irmandade Xurídica Galega, apuntou Xesús Alonso Montero, quen o recordou con grande afecto. "É un dos homes que máis admiro e quero, porque o sigo querendo pese a que xa hai bastantes anos que nos deixou", expresou o presidente da RAG. Felicitou ademais a Xosé Ramón Freixeiro Mato tanto por esta obra como polo libro de correspondencia entre Martínez-Risco e Otero Pedrayo que publicará proximamente

Isabel Risco tamén agradeceu en nome da familia o traballo de Xosé Ramón Freixeiro Mato, "auténtico e digno biógrafo" de Martínez-Risco. "Se non fose por el, non só a memoria do meu avó, senón da época na que traballou polo país e a lingua, non estaría tan referenciada. O noso desexo é que estas cartas sexan públicas, de todos nós, que non queden agochadas nunha gabeta", asegurou. En clave persoal, referiuse tamén ao seu avó como "un guieiro" de quen aprender a súa ética política e o seu amor por Galicia.