galego | castellano
: Normalización Lingüística

 UNIDADE TÉCNICA DE NORMALIZACIÓN LINGÜÍSTICA DA DEPUTACIÓN DA CORUÑA

 

A Unidade Técnica de Normalización Lingüística ten como principal obxectivo incrementar o uso e o prestixio da nosa lingua en todos os ámbitos da Deputación provincial, e por ende, dos concellos da provincia.

A deputación quere demostrar o seu compromiso co idioma propio prestando especial atención ao proceso de normalización dentro da propia administración, coa galeguización dos seus servizos, pero tamén implicando progresivamente á sociedade en xeral (mocidade, movemento asociativo e empresarial...).

Estamos ao seu dispor para calquera cuestión que se lle poida presentar.

CONTACTO

Avenida do Porto, núm. 2

15006 A Coruña

Teléfono directo 981 080 358 ext.: 1800, 1801, 1802

Enderezo electrónico: normalizacion.linguistica@dicoruna.es

 

 

A Deputación da Coruña súmase desde o teatro á homenaxe de María Victoria Moreno no Día das Letras Galegas
14 de Maio de 2018

A área de Cultura da Deputación da Coruña súmase á homenaxe a María Victoria Moreno levando ao escenario do Teatro Colón a obra "Señora que pasea pola rúa con dous cans preciosos", de Matrioshka Teatro. O espectáculo, que terá lugar o mércores ás 20:30 horas é unha das iniciativas que organiza arredor da escritora á que se lle dedica o Día das Letras Galegas.

O programa “O galego, a miña lingua propia” intensifica a súa actividade na semana das Letras Galegas
12 de Maio de 2018

Santa Comba, Arzúa, Negreira e Ames son os concellos que recibirán as actividades do programa "O galego, a miña lingua propia" na semana en que se conmemora o Día das Letras Galegas. Obradoiros para uso do galego nas redes, proxeccións e charlas ademais de concertos son algunhas das propostas desta semana en que se conmemora a festa da nosa lingua.
Promocionar o uso da lingua galega entre a poboación adolescente e aportarlle referentes cos que valorizar…

A Deputación da Coruña pon a María Victoria Moreno na voz “radiofónica” da mocidade
10 de Maio de 2018

A Biblioteca Provincial da Deputación da Coruña acolle este venres ás 19.00, un programa de radio aberto ao público, feito por pequenos e pequenas, arredor da figura da autora homenaxeada nas Letras Galegas 2018. A iniciativa forma parte da programación especial da área de Cultura para conmemorar a autora á que se lle dedica o Día das Letras Galegas.

A Deputación da Coruña xoga a saber que se coñece de María Victoria Moreno
09 de Maio de 2018

Dez preguntas nun vídeo interactivo é unha das propostas que a área de Cultura da Deputación da Coruña difunde para conmemorar o Día das Letras Galegas. A través dun vídeo interactivo poderase afondar na figura de María Victoria Moreno, a autora á que se lle dedica o Día das Letras Galegas. Un vídeo de difusión da escritora, unha obra de teatro e dous programas de promoción da lingua son algunhas das iniciativas de cara á conmemoración do Día das…

A Deputación da Coruña bota a andar o programa O galego, a miña lingua propia
07 de Maio de 2018

A área de Normalización Lingüística, que dirixe a tamén vicepresidenta da Deputación da Coruña, Goretti Sanmartín Rei, bota a andar o seu novo programa de dinamización e promoción lingüística destinado á mocidade. O galego, a miña lingua propia é o título da iniciativa que percorrerá até 43 concellos da provincia e que bota a andar este luns día 7 no IES Poeta Francisco Añón de Outes.