Presentación telemática de solicitudes de subvencións.
Co fin de incentivar a utilización de medios electrónicos, e no marco
dos principios da Lei 11/2007, de 22 de xuño, de acceso electrónico dos
cidadáns aos servizos públicos, recoméndase a presentación das
solicitudes de xeito telemático, a través da páxina web da Deputación
da Coruña: www.dicoruna.es. Neste caso, produciranse os seguintes
efectos:
a) Solicitantes que dispoñan de sinatura electrónica:
A presentación telemática producirá plenos efectos xurídicos, sempre
que a solicitude sexa enviada dentro do prazo establecido.
Neste caso, a documentación complementaria, que se ten que presentar
coa solicitude, enviarase posteriormente por correo, ou por calquer
outro medio que deixe constancia do seu envío, achegada dunha copia en
papel da súa solicitude.
b) Solicitantes que non dispoñan de sinatura electrónica:
Poderán cubrir e cursar de xeito telemático a sua solicitude, pero para
que a presentación produza efectos xurídicos será necesaria a sua
impresión, sinatura e posterior presentación en soporte papel dentro do
prazo establecido nun dos rexistros públicos
habilitados (Rexistro Xeral da Deputación da Coruña, rexistros
municipais dos Concellos que teñen asinado para este fin
coa Deputación ou en calquera outros rexistros públicos
aos que se refire o artigo 38.4 da Lei 30/92 de 26 de novembro, de
réxime xurídico das administracións públicas e do procedemento
administrativo común).
O acceso á aplicación para a presentación telemática
de
solicitudes de subvencións faise previa alta do usuario no sistema,
unha vez dado
de alta pódese cumprimenta-la solicitude e no momento do
envío requerirase o certificado para firmar e
envia-la
solicitude no caso de dispor del.
No caso de precisar calquer aclaración ou para a comunicación de
incidencias, pode dirixirse á seguinte dirección de correo: soporte.subvencions@dicoruna.es
-
AVISO
-A prioridade de cada solicitude asignaráse en función do momento de entrada.
-No caso de non dispor de firma electrónica, será necesario dar entrada do xustificante de cumprimentación telemática na oficina de rexistro antes da finalización do prazo.
|
