FOGAR INFANTIL EMILIO ROMAY (Menores de 0 a 6 anos)
O Fogar Infantil Emilio Romay (FIER) é un centro de menores propio da Deputación Provincial da Coruña. No marco normativo da comunidade autónoma desenvolve en convenio con esta, un programa de atención á infancia, na tipoloxía de centro de fogares, é dicir, "equipamentos residenciais distribuidos en unidades de convivencia que permitan a adecuación dos espazos e ritmos de vida autónomos dentro da organización xeral"; tal e como recolle o Real Decreto 329/2005, do 28 de Xullo, polo que se regulan os centros de menores e centros de atención á infancia.
Polo tanto, o Fogar Infantil Emilio Romay da servizo á Comunidade Autónoma de Galicia.
ASENTAMENTO XEOGRÁFICO
O Fogar Infantil Emilio Romay (FIER) encóntrase situado na rúa Joaquín Planells da cidade da Coruña, preto das estacións de autobuses e tren, así como da vía principal de entrada na cidade. No seu contorno existen equipamentos educativos, de ocio, tempo libre e de entretemento, nun enclave físico que está a desenvolverse cunha serie de actuacións urbanísticas de mellora do contorno.
PERSOAS DESTINATARIAS
Como centro de atención á infancia, o FIER desenvolve un programa destinado a atención de menores de 0-6 anos de ambos sexos en situación de risco ou desamparo social. Nenos e nenas que, procedentes de medios familiares en dificultade social, precisen de: acollemento residencial temporal, apoio ás familias de orixe ou preparación para a integración noutra familia; a través do apoio e acompañamento dun equipo multidisciplinar.
É a Consellería de Traballo e Benestar Social da Xunta de Galicia, a que mediante resolución administrativa determina:
-
A solicitude de ingreso do/da menor no centro.
-
O acordo sobre a medida legal: garda ou tutela.
-
A modalidade de estadía: internado ou atención de día.
CAPACIDADE
O centro ten capacidade para 40 estadías de internado e 10 de atención de día nas seguintes condicións:
Fogares de internado:
-
1 Fogar de primeira infancia (0 – 15 meses) con capacidade para 10 menores.
-
3 Fogares para a infancia (15 meses -6 anos) con capacidade para 10 menores cada un.
Fogar de atención de día:
-
1 Fogar (0 -6 anos) con capacidade para 10 menores.
INSTALACIÓNS
ARTÍCULO "O FOGAR INFANTIL EMILIO ROMAY: DA BENEFICIENCIA Ó BENESTAR SOCIAL" PUBLICADO NO NÚMERO 89 (DECEMBRO 2011) DA REVISTA TSDIFUSIÓN