Os temas de
voluntariado non son novos nos servicios sociais da
deputación. Como antecedentes remitímonos
á década dos 90, en que con motivo dun Proxecto
de axuda a desprazados da ex-Iugoslavia iniciado pola
deputación en 1992, contactouse e coordinou a
acción da administración provincial coa
acción solidaria de varias ONG,s de ámbito
estatal e da Coruña, concretamente nesta cidade co
Voluntariado Social Fonseca e coa Asociación Galega de Axuda
a Bosnia, a través das que se canalizaron as
intervencións voluntarias co propósito de evitar
accións individuais ailladas, integrándoas no seo
de proxectos máis globais de integración social.
(Experiencia recollida nunha publicación da que a referencia
pode ser facilitada ás persoas interesadas nela)
As ONG,s
e os servicios sociais
municipais que realizan
programas e proxectos de voluntariado social, encontran no concurso
anual de subvencións da deputación apoio
financeiro para as súas accións.
Actualmente, independentemente das subvencións, existe un
Convenio de colaboración coa FUNDACIÓN PAIDEIA GALIZA, co
propósito do fomento e a promoción do Voluntariado
no ámbito europeo.
Co programa obxeto deste convenio, denominado SVE (Servizo de Voluntariado Europeo),
preténdese o desenvolvemento dos Proxectos e servizos do
Voluntariado nos Países Europeos para xóvenes entre 18 e
25 anos, dos concellos de menos de 50.000 habitantes da Provincia de A
Coruña, coa finalidade de fomentar experiencias de solidaridade
no marco da interculturalidade.
Para este Convenio existe unha Comisión Técnica Mixta,
con representantes da Deputación e da Fundación Paideia
Galiza.
A Deputación cofinancia o 50 % do proxecto.
Para máis información dirixirse a:
"Fundación Paideia Galiza. Plza. María Pita, 17.15001. A
Coruña - e.mail : paideia@paideia.es
- web : www.paideia.es
