- Cos concellos Mediante convenios de renovación
anual cos concellos máis desfavorecidos da provincia, de menor capacidade
económica e de xestión, a deputación trata de contribuír
cos gastos de persoal dos Servizos Sociais de Atención Primaria, concretamente
para o desenvolvemento das prestacións básicas de información/
orientación e a de apoio á unidade de convivencia e axuda no fogar.
Actualmente mantéñense convenios deste tipo con 70 concellos,
o que equivale ao 82.35 % dos concellos da provincia con poboación inferior
aos 20.000 habitantes, que son aos que se destinan estes convenios.
(Ver
a relación e o mapa)
Existe tamén un convenio co concello
de Ferrol para a atención de menores.
Cos concellos da Coruña, Santiago de Compostela, Ferrol e Culleredo
hai convenios para o mantemento de prazas en casas
de acollida para mulleres vítimas de malos tratos, procedentes de concellos
da provincia que non dispoñen deste recurso.
- Coa FEMP
e o IMSERSO: Convenio de colaboración co Instituto de Migracións
e Servicios Sociais (IMSERSO) e a Federación Española de Municipios
e Provincias (FEMP) para a implantación e desenvolvemento na provincia
da Coruña dun programa de teleasistencia
domiciliaria, como complemento da prestación básica
de apoio á unidade de convivencia e axuda no fogar, e que ten que tramitarse
a través dos Servizos Sociais municipais. Esta colaboración refórzase
con outro convenio paralelo entre a deputación e a Consellería de
Sanidade e Servizos Sociais da Xunta de Galicia, en relación coa achega
económica necesaria para financiar o programa. A estes convenios, asinados
pola deputación co IMSERSO, a FEMP e a Xunta de Galicia, poden adherirse
todos os concellos da provincia que o desexen, con poboación menor de 50.000
habitantes, que son aos que se destina o programa provincial. O programa
iniciou a súa implantación e desenvolvemento no segundo semestre
de 1999. O 31 de decembro de 2004 estaban adheridos 85 concellos, o que
representa o 93,44% de cobertura na provincia, en relación co total dos
91 que teñen menos de 50.000 habitantes.
Ver
a relación e o mapa
- Coa Xunta de Galicia Actualmente
mantense un Convenio de colaboración coa Consellería de Asuntos
Sociais para instalación, desenvolvemento e seguimento da aplicación
informática do Sistema de información de usuarios dos servizos
sociais (SIUSS) na provincia, atendendo aos concellos de menos de 20.000
habitantes. O convenio implica tamén a asunción por parte da deputación
da formación e capacitación dos profesionais de Servizos Sociais
de Atención Primaria no manexo da aplicación. Tamén coa Consellería
de Asuntos Sociais para o desenvolvemento da teleasistencia domiciliaria.
Outro convenio coa Consellería de Familia para a atención
de menores no Fogar Infantil "Emilio Romay" na Coruña.
