Normalización Lingüística

Organizar o VI e VII Curso de Verán sobre Dinamización Lingüística, Traballando en Lingua.

Editar as actas das VII Xornadas Lingua e Usos.

Dinamizar as comisións de normalización universitarias con distintas accións normalizadoras.

- Convenio co SNL da USC para:

Editar o Léxico Básico de termos do ámbito do Dereito.

Campaña de extensión do uso da lingua galega na Facultade de Dereito. Témoslle LEI

Colaboran: concellos de Carballo, Malpica de Bergantiños, Ponteceso e  Zas.

PROGRAMA

FOTOS

Campaña de animación á lectura en colaboración con OQO Editora en centros de educación primaria (1º e 2º ciclo) dos concellos da Coruña, Ferrol, Culleredo e Arteixo. Participarán arredor de 600 nenos e nenas.

Obxectivos: sensibilizar e fortalecer as competencia lingüísticas (lectora, escritora e oralidade) en galego.

Esta campaña combina literatura (E que podo facer eu?), música (A nena e o grilo de Magín Blanco), audiovisual e novas tecnoloxías.

- Exposición itinerante gráfica e audiovisual  “A lingua galega, historia e dereitos lingüísticos”.

Nos concellos de:  Outes, Porto do Son, Rianxo, Oleiros, Cee, Melide, Muros e Oroso.

12 paneis cos seguintes contidos: A humanidade e a creación das súas identidades, A diversidade cultural e lingüística, Dende a Gallaecia á Galicia medieval, O esplendor da lingua galega, A decadencia nos Séculos Escuros, O Rexurdimento, O galeguismo na loita pola democracia e os dereitos lingüístico, A ditadura e a falta de dereitos: a represión lingüística, O maltrato ás persoas e o desprezo da súa lingua, A democracia e a normalización lingüística, Os dereitos lingüísticos, O galego na administración, O galego no ensino e na sociedade.

21 de febreiro, Día Internacional da Lingua Materna.

En 1999, a UNESCO declarou o 21 de febreiro Día Internacional da Lingua Materna co obxectivo de promover o multilingüismo e a diversidade cultural.

As linguas son o instrumento de maior alcance para a preservación e o desenvolvemento do noso patrimonio cultural tanxible e intanxible. Toda iniciativa para promover a difusión das linguas maternas servirá non só para incentivar a diversidade lingüística e a educación multilingüe, senón tamén para crear maior conciencia sobre as tradicións lingüísticas e culturais do mundo e inspirar á solidariedade baseada no entendemento, a tolerancia e o diálogo.

- II PREMIO ROSALÍA DE CASTRO A INICIATIVAS NORMALIZADORAS. Un galardón que se convoca cos obxectivos de recoñecer o labor ou traxectoria dunha persoa, colectivo, asociación ou entidade de ámbito galego en xeral e na provincia da Coruña en particular, que destaque pola súa traxectoria na promoción e dignificación da lingua galega ou que saliente por actividades que impliquen o espallamento do galego no ano en curso.

Bases

Non ten dotación económica. O galardón consistirá nun recoñecemento honorífico acreditativo desta distinción.

Remata o prazo de presentación de candidaturas o 31 de marzo.

XURADO

GAÑADORA: A Mesa pola Normalización Lingüística

A entrega do premio terá lugar no transcurso da Festa da Lingua, que neste 2011 chega á súa cuarta edición e que terá lugar no Pazo da Cultura de Carballo o sábado 7 de maio.

- Produción e emisión de 12 capítulos sobre a toponimia e a microtoponimia referida ás comarcas da provincia da Coruña (Ferrolterra-Eume-Ortegal; A Coruña-As Mariñas; A Montaña, Santiago-Sar, Barbanza-Muros-Noia e Bergantiños-Costa da Morte) para emitilos a través do  portal de televisión por internet de vídeo baixo demada: Linguagalega.tv.

Tamén  abordan aspectos de arqueoloxía da provincia co fin de contribuír á divulgación e promoción da lingua, cultura e historia de Galicia.