Unión Europea - Perspectiva da Unión Europea

Cronoloxía da construcción Europea

 

	1948	8-10 de maio: o Comité para a unidade europea convoca o Congreso da Haia. Na súas resolucións, o Congreso da Haia pide unha Europa democrática unida e a creación do Consello de Europa. 16 de abril: Créase a Organización Europea de Cooperación Económica (OECE), encargada de distribuír entre os Estados europeos a axuda americana (Plan Marshall).
	1949	5 de maio: creación do Consello de Europa con sede en Estrasburgo. 4 de abril: sinatura en Washington do Tratado do Atlántico Norte, Tratado constitutivo da OTAN.
	1950	9 de maio: Robert Schuman, ministro de Asuntos Exteriores francés, propón poñer en común os recursos de carbón e aceiro de Francia e Alemaña nunha organización aberta aos demais países de Europa.
	1951	18 de abril: sinatura do Tratado de París que crea a Comunidade Europea do Carbón e o Aceiro (CECA). Seis países integran esta primeira comunidade: República Federal de Alemaña, Francia, Italia, Holanda, Bélxica e Luxemburgo. .
	1952	10 de agosto: os seis asinan en París o Tratado constitutivo da Comunidade Europea de Defensa (CED), que a Asemblea Nacional Francesa se nega a ratificar en 1954. Entra en funcións a Alta Autoridade (órgano executivo) da CECA. Jean Monnet será o seu primeiro presidente
	1953	10 de febreiro: establécese o mercado común do carbón e o mineral de ferro. 1 de maio: establécese o mercado común do aceiro.
	1954	30 de agosto: fracasa o proxecto de Comunidade Europea de Defensa (CED).  20-23 de outubro: créase a Unión Europea Occidental (UEO), organización de cooperación en materia de política de seguridade e defensa.
	1955	1 y 2 de xuño: conferencia de Messina: os ministros de Asuntos Exteriores dos seis deciden ampliar a integración europea a toda a economía. É o principio dun mercado común europeo.
	1956	29 de maio: o informe Spaak apróbase e os ministros de Asuntos Exteriores dos países membros deciden en Venecia abrir negociacións intergobernamentais para a conclusión dos 2 Tratados Constitutivos da Comunidade Económica Europea (CEE) e a Comunidade da Enerxía Atómica (Euratom).
	1957	25 de marzo: os seis asinan en Roma (Tratados de Roma) os Tratados que crean a Comunidade Económica Europea (CEE) e a Comunidade Europea da Enerxía Atómica (Euratom). Prevé a unión alfandegueira e crea varias institucións: a Comisión Europea, o Consello de Ministros, unha Asemblea Parlamentaria e un Tribunal de Xustiza.
	1958	1 de xaneiro: entran en vigor os Tratados da CEE e Euratom. W. Hallstein será o primeiro presidente da Comisión da CEE e Louis Armand, o primeiro presidente da Comisión do Euratom.
	1959	27 de xullo: sete membros da Organización Europea de Cooperación Económica (OECE), Dinamarca, Reino Unido, Austria, Noruega, Portugal, Suecia e Suiza acordan a creación da AELC (Asociación Europea de Libre Comercio).
	1960	4 de xaneiro: asínase en Estocolmo (Suecia), por iniciativa do Reino Unido, o Tratado que crea a Asociación Europea de Libre Comercio (AELC). O Tratado entrou en vigor o 3 de maio de 1960. 14 de decembro: asínase en París o Tratado que institúe a Organización de Cooperación e Desenvolvemento Económico (OCDE).
	1961	10 de febreiro: os xefes de Estado ou de Goberno dos Estados da CE acordan unha colaboración política máis estreita. Un comité de funcionarios, presidido por Christian Fouchet, elabora un plan para a consecución deste obxectivo.  9 de xullo: sinatura do acordo de asociación CE-Grecia. 31 de xullo: Irlanda solicita a adhesión á CE. 9 e 10 de agosto: Reino Unido e Dinamarca solicitan a súa adhesión á CE.
	1962	14 de xaneiro: o Consello de Ministros adopta os catro primeiros regulamentos agrícolas,  o primeiro regulamento financeiro e o regulamento da competencia.  17 de abril: suspéndense as negociacións sobre a Unión Política Europea por non poder chegarse a un acordo sobre as propostas do Comité Fouchet.  30 de abril: Noruega solicita a adhesión á CE.  30 de xullo: entrada en vigor da Política Agraria Común (PAC).
	1963	14 de xaneiro: De Gaulle anuncia, nunha rolda de prensa, que Francia veta a entrada do Reino Unido na CEE.  29 de xaneiro: suspéndense as negociacións de adhesión do Reino Unido á CE. 20 de xullo: sinatura do acordo de asociación da CE con dezasete países africanos e Madagascar en Yaoundé (Convenio de Yaoundé). 12 de setembro: sinatura do Tratado de asociación CE-Turquía.
	1965	8 de abril: asínase o Tratado de Fusión dos Executivos (CECA, CEE e Euratom), que entrará en vigor o 1 de xullo de 1967: constitúese un Consello e unha Comisión únicos para as tres Comunidades.  1 de xullo: iníciase o período chamado de "cadeira baleira": De Gaulle (Francia) renuncia a participar nas reunións do Consello en protesta polo financiamento da PAC.
	1966	29 de xaneiro: compromiso de Luxemburgo: Francia acepta volver ó seu posto no Consello. Decídese que o voto por maioría sexa remprazado polo voto por unanimidade no caso de que un Estado membro considere que están en xogo os seus intereses.
	1967	10 e 11 de marzo: Reino Unido, Irlanda e Dinamarca presentan por segunda vez a súa solicitude de adhesión. 1 de xullo: entra en vigor o Tratado de Fusión dos Executivos. O belga Jean Rey convértese no primeiro presidente da Comisión unificada. 24 de xullo: Noruega presenta  por segunda vez a súa candidatura de adhesión. 28 de xullo: Suecia presenta a súa candidatura de adhesión á CE
	1968	1 de xullo: iníciase a Unión Alfandegueira con dezaoito meses de antelación: as mercadorías circulan entre os Estados membros sen ningunha limitación e créase un arancel exterior común de cara a terceiros países.  29 de xullo: garántese a liberdade de circulación dos traballadores na Comunidade para establecer un mercado común do traballo. 18 de decembro: a Comisión presenta ao Consello o "plan Mansholt" para a reforma da agricultura na Comunidade.
	1969	4 de marzo: asínanse os acordos de asociación da CE con Túnez e Marrocos. 29 de xullo: sinatura do segundo Convenio de Yaundé, que entra en vigor o 1 de xaneiro de 1971. 1 e 2 de setembro: os xefes de Estado reúnense na Haia para debater a plena realización do mercado interior, a profundización da integración e a ampliación da CE. Acordan a introdución gradual da unión económica e monetaria (UEM) até 1980 e acelerar a integración e a cooperación en cuestións políticas. Tamén acordan iniciar as negociacións con Dinamarca, Irlanda, Noruega e o Reino Unido. 19-22 de decembro: o Consello adopta un acordo financeiro para a agricultura, para asignar os recursos comunitarios e reforzar o poder presupostario do Parlamento Europeo.
	1970	1 de xaneiro: transfírese a responsabilidade da política comercial dos Estados membros á CE. 6 de marzo: o Consello designa un comité de expertos presidido por Pierrre Werner, para o estudo de propostas para a realización dunha Unión Económica e Monetaria e encarga a un segundo comité, presidido por Ettiene Davignon, a obtención de propostas para a consecución dunha cooperación política europea. 22 de abril: establécese o sistema de recursos propios como sistema de financiamento da Comunidade (no lugar das achegas). 30 de xuño: ábrense as negociacións con catro países candidatos: Dinamarca, Reino Unido, Irlanda e Noruega.  2 de xullo: noméase a Franco M. Malfatti presidente da Comisión. 8 de outubro: preséntaselle ao Consello e á Comisión o plan Werner para a realización progresiva da unión económica e monetaria, así chamado polo primeiro ministro luxemburgués. 27 de outubro: os ministros de Asuntos Exteriores da CE, reunidos en Luxemburgo, presentan o informe Davignon sobre a Cooperación Política Europea (CPE) aos xefes de Estado ou de Goberno. 5 de decembro: asínase o acordo de asociación CE - Malta.
	1971	1 de xaneiro: entrada en vigor do acordo de Yaoundé II con dezaoito países africanos e o acordo de Arhusa con tres Estados de África do Leste.  1 de xullo: a Comunidade aproba o sistema de preferencias xeneralizadas no comercio con 91 países en vías de desenvolvemento.
	1972	22 de xaneiro: asínanse en Bruxelas os Tratados de Adhesión de catro novos membros da CEE: Dinamarca, Reino Unido, Irlanda e Noruega.  21 de marzo: constitución da Serpe Monetaria Europea: os Estados membros deciden limitar as marxes de flutuación das moedas europeas, entre elas e con respecto ao dólar.  22 de marzo: noméase a Sicco Mansholt presidente da Comisión. 10 de maio: Irlanda aproba en referendo a súa adhesión á CE. 13 de xullo: a Cámara dos Comúns aproba a adhesión do Reino Unido á CE. 22 de xullo: asínanse acordos de libre comercio cos países da AELC que non solicitaron a adhesión á CE. 25 de setembro: Noruega rexeita en referendo a súa entrada na CE. 2 de outubro: Dinamarca aproba en referendo a súa adhesión á CE. 19 de decembro: asínase o acordo de asociación CE - Chipre.
	1973	1 de xaneiro: Entra en vigor a ampliación a nove membros da CE (entrada de Reino Unido, Irlanda e Dinamarca). A CE ten competencias plenas na política comercial común. 11 e 12 de marzo: Irlanda, Italia e o Reino Unido abandonan a "serpe monetaria". Os ministros de Finanzas da CE deciden a oscilación conxunta das súas moedas fronte ao dólar con tipos de cambio fixos. 14 de maio: Noruega asina un acordo de libre comercio coa CE. 23 de xullo: os ministros de Exteriores da CE aproban en Copenhague o segundo informe sobre Cooperación Política Europea (informe de Copenhague). 26 e 27 de xullo: celébrase en Bruxelas a Conferencia Ministerial entre a CE e 46 países de África, o Caribe e o Pacífico (países ACP) para establecer relacións. 5 de outubro: Finlandia asina un acordo de libre comercio coa CE.
	1974	21 de xaneiro: os ministros de Traballo e Asuntos Sociais adoptan o programa de acción social comunitaria polo que a CE pasa a ser activa en tres ámbitos: asuntos de emprego, harmonización das formas de vida e de traballo e participación das dúas partes da industria nas decisións de política social e económica comunitaria. 9 e 10 de decembro: Cumio de París: os nove deciden reunirse regularmente en Consello Europeo (tres veces ao ano).
	1975	28 de febreiro: asínase o Convenio de Lomé I entre a Comunidade e 46 Estados de África, Caribe e Pacífico (ACP), que entrará en vigor o 1 de abril de 1976.  10 e 11 de marzo: os xefes de Estado e de Goberno reúnense por primeira vez en Consello Europeo en Dublín. 18 de marzo: O Consello de Ministros acorda crear o Fondo Europeo de Desenvolvemento Rexional (FEDER). 5 de xuño: o Reino Unido decide en referendo permanecer na CE.  12 de xuño: Grecia solicita a súa adhesión. 1 e 2 de decembro: O Consello Europeo de Roma
	1976	9 de febreiro: inícianse as negociacións de adhesión con Grecia. 1 de outubro: o goberno italiano adopta, co permiso da CE, o plan Andreotti para frear a caída da lira por medio de medidas impositivas, sociais e monetarias. 20 de decembro: noméase a Roy Jenkins Presidente da Comisión.
	1977	28 de marzo: Portugal solicita a adhesión á CE. 1 de xullo: suprímense totalmente os dereitos alfandegueiros entre nove membros  da CE. 28 de xullo: segunda solicitude de España: o primeiro Goberno democrático español, presidido por Suárez,  solicita o ingreso na CE.
	1978	6 e 7 de xullo: Cumio de Bremen: Alemaña e Francia propoñen o relanzamento da cooperación monetaria mediante a creación dun sistema monetario europeo (SME) que substituirá á "serpe" e a unidade de conta europea (ecu). 5 de setembro: os países da CE inician as negociacións sobre a política común da pesca. 17 de outubro: inícianse as negociacións de adhesión con Portugal.
	1979	5 de febreiro: inicio das negociacións de adhesión con España. 13 de marzo: comeza a funcionar o Sistema Monetario Europeo. O ECU (Unidade de Conta Europea) convértese na moeda europea.  7 e 10 de xuño: primeiras eleccións ao Parlamento Europeo por sufraxio universal. 17-20 de xuño: primeira sesión do Parlamento elixido directamente en Estrasburgo. Simone Veil resulta elixida Presidenta do Parlamento. 31 de outubro: sinatura do segundo Convenio de Lomé (Lomé II).
	1980	7 e 8 de marzo:sinatura de acordo de cooperación entre a CE e a ASEAN (Asociación de Nacións de Asia Sudoriental). 30 de maio: no Consello chégase a un acordo sobre a contribución británica aos gastos comunitarios.
	1981	1 de xaneiro: Grecia convértese no décimo membro da Comunidade.  6 e 20 de xaneiro: os ministros de Exteriores alemán e italiano propoñen reforzar a CPE (iniciativa Colombo/Genscher). 6 de xaneiro: noméase a Gaston Thorn presidente da Comisión.
	1982	19 de febreiro: Pieter Dankert resulta elixido segundo presidente do Parlamento desde a introdución das eleccións europeas. 23 de febreiro: Groenlandia decide en referendo abandonar a CE.
	1983	25 de xaneiro: ponse en práctica unha política de pesca común, a chamada "Europa azul".
	1984	14 de febreiro: o Parlamento aproba o proxecto de Tratado da Unión Europea elaborado polo comité institucional presidido por Altiero Spinelli. 28 de febreiro: adopción do programa Esprit de investigación estratéxica en tecnoloxías da información. 14-17 de xuño: segundas eleccións ao Parlamento Europeo.  25 de xuño: O cumio de Fontainebleau acorda crear o Comité Dooge sobre cuestións institucionais e o Comité Adonnino sobre a "Europa dos cidadáns".  26 de setembro: China e a CE asinan un acordo de cooperación comercial.
	1985	7 de xaneiro: noméase a Jacques Delors presidente da Comisión. 12 de xuño: sinatura en Madrid e Lisboa dos Tratados de adhesión de España e Portugal.  14 de xuño: Libro Branco sobre o Mercado Interior: a Comisión propón ao Consello un programa con 300 medidas coa finalidade de suprimir os controis fronteirizos e establecer un verdadeiro mercado interior.   28 e 29 de xuño: Consello Europeo de Milán: decide por maioría convocar unha conferencia intergobernamental para modificar os Tratados de Roma, de acordo co artigo 236 do Tratado CEE. 2-4 de decembro: Consello Europeo de Luxemburgo: aproba a reforma institucional que amplía as competencias da Comunidade e o marco xurídico da Cooperación en Política Europea (CPE). Estas modificacións formúlanse na Acta Única Europea.
	1986	1 de xaneiro: prodúcese a adhesión ás Comunidades de España e Portugal. 17-28 de febreiro: asínase en Luxemburgo e na Haia a Acta Única Europea. Acórdase abrir un gran mercado interior único que empezará a funcionar en 1992, así como crear a bandeira da CE: doce estrelas amarelas sobre fondo azul..
	1987	20 de xaneiro: Sir Henry Plumb resulta elixido cuarto presidente do Parlamento desde a introdución das eleccións europeas. 14 de abril: Turquía presenta a súa candidatura á CEE. 1 de xullo: Entra en vigor a Acta única Europea.
	1988	11 e 12 de febreiro: Consello Europeo de Bruxelas aproba o "paquete Delors I" para a reforma do sistema financeiro e da  política agrícola común e duplica os fondos estruturais da CE. 27 e 28 de xuño: reúnese en Hannover, Alemaña, o Consello Europeo. Ponse de relevo a importancia dos aspectos sociais cara a consecución dos obxectivos do 1992, exprésase, así mesmo, inquietude ante os perigos que ameazan o medio natural e desígnase un comité guía cara a Unión Monetaria.
	1989	15-18 de xuño: Terceiras eleccións directas ao Parlamento Europeo. 29 de xuño. España entra no SME. O goberno español, presidido por Felipe González, decide integrar a peseta no Sistema Monetario Europeo. 17 de xullo: Austria solicita a súa adhesión á CEE.  26 de xullo: Enrique Barón Crespo resulta elixido quinto presidente do Parlamento desde a introdución das eleccións europeas. 9 de novembro: caída do muro de Berlín.  8 e 9 de decembro: no Cumio de Estrasburgo decídese convocar unha conferencia intergobernamental para poñer en marcha as etapas finais da unión económica e monetaria. Tómanse decisións sobre a creación do BERD e sobre a Carta Social Europea.  15 de decembro: sinatura do Convenio Lomé IV.  19 de decembro: inícianse as negociacións entre os países da CE e da AELC para reforzar a cooperación  e crear o Espazo Económico Europeo (EEE).
	1990	19 de xuño: asínase en Luxemburgo o segundo acordo de Schengen: aplicación do principio de liberdade de circulación das persoas con independencia da súa nacionalidade.  25 e 26 de xuño: o Consello de Ministros, a Comisión e o Parlamento Europeo reúnense, por primeira vez, conxuntamente en Estrasburgo para definir o futuro da Europa unida. 29 de maio: créase o BERD (Banco Europeo de Reconstrución e Desenvolvemento) con sede en Londres, para proporcionar axuda económica aos países de Europa Central e Oriental. 1 de xullo: comeza a primeira etapa da Unión Económica e Monetaria. 4 e 16 de xullo: solicitudes de adhesión de Malta e Chipre.  3 de outubro: Reunificación alemana.
	1991	25 de xuño: España e Portugal se adhírense ao Acordo de Schengen. 1 de xullo: solicitude de adhesión de Suecia.  21 de outubro: o Consello decide a creación do Espacio Económico Europeo (EEE), que asocia á CE cos seus veciños de Europa Oriental.  17 de decembro: asínase a Carta Europea da Enerxía.
	1992	13 de xaneiro: Egon Klepsch resulta elixido sexto presidente do Parlamento desde a introdución das eleccións europeas. 7 de febreiro: asínase o Tratado da Unión Europea en Maastricht.  18 de marzo: Finlandia presenta a súa solicitude de adhesión.  2 de maio: sinatura no Porto do acordo sobre o Espazo Económico Europeo. 20 de maio: Suiza solicita a adhesión á CE e vota en referendo contra o acordo do EEE.  2 de xuño: Dinamarca, por referendo, pronúnciase en contra da ratificación do Tratado de Maastricht. Caso contrario do que sucede en Irlanda e Francia.  25 de novembro: Noruega solicita a súa adhesión á CE. 11 e 12 de decembro: Cumio de Edimburgo: o Consello Europeo concede a Dinamarca as derrogacións que lle permitirán someter a un novo referendo a ratificación do Tratado de Maastricht. Apróbase, así mesmo, o paquete Delors II sobre o financiamento da CE até 1999 e unha iniciativa de crecemento.
	1993	1 de xaneiro: Establecemento do mercado único: libre circulación de persoas, mercadorías, servizos e capitais.  17 de marzo: Islandia ratifica o Tratado do EEE. Fixéronno todos os países da AELC agás Suiza.  18 de maio: segundo referendo en Dinamarca: ratifica o Tratado de Maastricht.  22 de xuño: comezan as negociacións de adhesión con Austria, Suecia e Finlandia. 29 de outubro: no Cumio especial de Bruxelas, os xefes de Estado ou de Goberno deciden as sedes dos novos órganos descentralizados da UE.  O Instituto  Monetario Europeo terá a súa sede en Francfort, Europol na Haia e a Axencia Europea de Medio Ambiente en Copenhague. 1 de novembro: Entra en vigor o Tratado de Maastricht.
	1994	1 de xaneiro: comeza a segunda fase da Unión Económica e Monetaria. Créase o Instituto Monetario Europeo. 1 e 8 de abril: solicitudes de adhesión de Hungría e Polonia. 24 de xuño: asínanse as actas de adhesión de Austria, Finlandia, Suecia e Noruega. 25 de xuño: Consellos Europeos de Corfú e Essen. A UE e Rusia asinan un acordo de cooperación.  27 de novembro: Noruega rexeita en referendo a súa entrada na UE. Suecia, Austria e Finlandia, por contra, votan a favor da súa adhesión.
	1995	1 de xaneiro: a Europa dos Quince: entrada na Unión Europea de Austria, Finlandia e Suecia.  23 de xaneiro: entra en funcións a Comisión presidida por Jacques Santer.  12 de xuño: A UE asina acordos de asociación con Estonia, Letonia e Lituania. 22 de xuño: Romanía solicita a súa adhesión á UE. 26 e 27 de xuño: Consello de Cannes: decisión sobre a EUROPOL e preparación da Conferencia Intergobernamental de 1996 para a revisión do Tratado da UE. Entra, así mesmo, en vigor o acordo Schengen entre Bélxica, Alemaña, Francia, Luxemburgo, Países Baixos, España e Portugal.  27 de xuño: solicitude de adhesión de Eslovaquia. 27 de outubro:  solicitude de adhesión de Letonia. 24 de novembro: solicitude de adhesión de Estonia. 8 e 14 de decembro: solicitude de adhesión de Lituania e Bulgaria.  15 e 16 de decembro: o Consello Europeo adopta o nome do EURO para a futura moeda única europea.
	1996	1 de xaneiro: entra en vigor a unión algandegueira entre a UE e Turquía. 16 e 17 de xaneiro: a República Checa e Eslovenia solicitan a adhesión á UE. 21 e 22 de xuño: o Consello Europeo de Florencia adopta o Convenio Europol.  13 e 14 de decembro: Consello Europeo de Dublín: Apróbanse o estatuto xurídico do euro, o novo Sistema Monetario Europeo e o Pacto de Estabilidade e Crecemento co fin de manter a continuidade na converxencia despois do inicio da terceira fase da Unión Económica e Monetaria.
	1997	2 de xuño: o Consello adopta un regulamento relativo á creación dun Observatorio Europeo do Racismo e a Xenofobia. 16 e 17 de xuño: o Consello Europeo, reunido en Amsterdam, acada un consenso sobre un proxecto do tratado, aprobando diversas propostas que facilitan o paso á terceira fase da UEM. Adóptase tamén unha resolución sobre o crecemento e o emprego. 16 de xullo: Jacques Santer, presidente da Comisión, presenta perante o Parlamento Europeo o documento "Axenda 2000". 2 de outubro: os Ministros de Asuntos Exteriores dos Estados membros firman en Amsterdam o novo tratado "consolidado".
	1998	1 e 3 de marzo: Decisión sobre os Estados membros que se incorporarán á terceira fase da UEM.  30 de marzo: iníciase o proceso de adhesión de Chipre e dos 10 países de Europa Central e Oriental. 1 de xuño: creación do Banco Central Europeo en Francfort. 30 de xuño: sentenza do asunto Mary Brown. O Tribunal de Xustiza Europeo declara que despedir ás mulleres durante o seu embarazo é contrario ao dereito comunitario. 1 de outubro: entra en vigor o Convenio Europeo sobre as toxicomanías.
	1999	15 de marzo: dimisión colexiada dos membros da Comisión a raíz dun informe do Comité independente de Expertos sobre as denuncias da fraude, irregularidades e nepotismo da Comisión Europea. Primavera: Eleccións Europeas. 1 de maio: entrada en vigor do Tratado de Amsterdam. 5 de maio: o Parlamento Europeo aproba a designación de Romano Prodi como presidente da nova Comisión Europea. 20 de xullo: o novo Parlamento Europeo elixe presidente á Sra. Fontaine. 15 de setembro: o Parlamento Europeo vota e aproba a nova Comisión.  15 e 16 de outubro: reúnese de maneira extraordinaria o Consello Europeo en Tempere. Chégase a un acordo sobre unha serie de orientacións e prioridades políticas; como son o dereito de asilo, a inmigración, o acceso á xustiza e a loita contra a delincuencia. Adóptase, así mesmo, a modalidade para a elaboración da carta dos dereitos fundamentais da UE.
	2000	15 de xaneiro: celebración en Bruxelas das conferencias intergobernamentais para a adhesión de Malta, Romanía, Eslovaquia, Letonia, Lituania e Bulgaria. 3 de maio: a Comisión Europea propón a Grecia converterse no duodécimo país da zona Euro. 23 de xuño: sinatura en Cotonou, pola Comunidade, os países de África, do Caribe e do Pacifico (ACP) do Convenio que substitúe aos de Lomé.
	2001	26 de febreiro: Firma do Tratado de Niza. 7 de xuño: Irlanda pronúnciase nun referendo en contra do Tratado de Niza. 21 de setembro: reúnese en Bruxelas o Consello Europeo extraordinario para analizar a situación internacional despois dos atentados terroristas do 11 de setembro en Nova York e Washington. 15-16 de decembro: Declaración de Laeken sobre o Futuro da Unión, que prepara o camiño para a gran reforma e convoca unha Convención para preparar a próxima Conferencia Intergubernamental.
	2002	1 de xaneiro: Posta en circulación das moedas e billetes en Euros. Comeza o período de intercambio (retirada) dos billetes e moedas nacionais. 15 de xaneiro: Pat Cox resulta elixido presidente do Parlamento Europeo. 28 de febreiro: inauguración da Convención sobre o Futuro de Europa. 1 de marzo: conclúe a Unión Económica e Monetaria. Os billetes e moedas nacionais deixan de ter curso legal 23 de xuño: expira oTratado da Comunidade Europea do Carbón e do Aceiro (CECA) despois de cincuenta anos en vigor. 13 de decembro: o Consello Europeo de Copenhage decide a ampliación de dez novos países (República Checa, Estonia, Chipre, Letonia, Lituania, Hungría, Malta, Polonia, Eslovenia e Eslovaquia), con data do 1 de maio de 2004.
	2003	15 de xaneiro: Posta en marcha da primeira Misión de Policía da Unión Europea en Bosnia e Herzegovina. 1 de febreiro: Entrada en vigor do Tratado de Niza. 16 de abril: sinatura en Atenas do Tratado de Adhesión da República Checa, Estonia, Chipre, Letonia, Lituania, Hungría, Malta, Polonia, Eslovenia e Eslovaquia. 21 de xuño: Consello Europeo de Salónica (Grecia). Acollida do proxecto de Constitución da UE. 14 de setembro: Suecia pronúnciase nun referendo en contra do euro. 4 de outubro: apertura da Conferencia Intergobernamental durante o Consello de Roma coa perspectiva de acadar un acordo sobre a Constitución Europea. 1 de novembro: Jean-Claude Trichet sucede a Duisenberg na presidencia do Banco Central Europeo.
	2004	25 de marzo: o Consello Europeo de Bruxelas adopta unha Declaración conxunta sobre a loita contra o terrorismo. 4 de maio: Entrada de 10 novos países. Nace a Europa dos 25. 10-13 de xuño: sextas eleccións ao Parlamento Europeo. 28 de xuño: desígnase a Durao Barroso como novo Presidente da Comisión da UE. 20 de xullo: O Novo Parlamento Europeo elixe como Presidente a Josep Borrell Fontelles. 29 de outubro: Os Xefes de Estado e de Goberno os Ministros de Asuntos Exteriores da UE firman o Tratado polo que se establece unha Constitución para Europa. 18 de novembro: O Parlamento Europeo aproba a nova Comisión Barroso,tras provocar que Barroso retirase a primeira proposta.
	2005	1 de febreiro: Entra en vigor o Acordo de Asociación entre a Unión Europea e Croacia. 20 de febreiro: celébrase en España o referéndum sobre a Constitución Europea. 13 de abril: O Parlamento Europeo aproba a entrada de Rumanía y Bulgaria na UE. 29 de maio: O referéndum celebrado en Francia ten resultado negativo. 1 de xuño: Os electores neerlandeses optan polo no á ratificación do Tratado constitucional. 10 de xullo: Os cidadáns luxemburgueses votan «Si» no referéndum sobre o Tratado Constitucional 3 de outubro: Apertura das negociacións de adhesión da Unión Europea con Turquía e Croacia 27-28 de novembro: Celébrase a Cumbre Euromed en Barcelona con motivo do 10º aniversario da adopción da Declaración de Barcelona.
	2006	1 de xaneiro: conmemórase o 25 aniversario da adhesión de Grecia e o 20 aniversario da adhesión de Portugal e España ás Comunidades Europeas. 1 de febreiro: A Comisión Europea lanza un Libro Blanco sobre a política de comunicación: Debatir sobre Europa implicando aos cidadáns, que sentará as bases da política de comunicación da Unión Europea. 16 de febreiro: O Parlamento Europeo adopta en primeira lectura, por unha gran maioría, o informe para a apertura do mercado único de servicios na UE. A Directiva de servizos, tamén coñecida como "Directiva Bolkestein" é un dos proxectos lexislativos máis importantes da Unión Europea. 7 de abril: O dominio de primeiro nivel ".eu", proporciona un novo espacio en Internet á par que promociona a identidade europea na rede, aierto para tódolos residentes naUnión Europea (ciudadáns, asociacións, clubs, etc.). 23 de maio: cúmplese o vixésimo aniversario da morte de Altiero Spinelli, gran defensor dunha Constitución para Europa, e en cuio honor púxose o nome a un dos edificios do Parlamento Europeo en Bruselas. 11 de xuño: O Consello adopta unha decisión pola que se permite a Eslovenia unirse á zona euro a partir do 1 de xaneiro de 2007. 1 de agosto: O Primeiro Ministro croata, Ivo Sanader, nunha reunión en Salzburgo sobre o Pacto de Estabilidade para Europa Sudoriental, afirma que Croacia desexa adherirse á Unión Europea en 2008. 5 de dicembro: O Parlamento finlandés ratifica o Tratado Constitucional; son xa 16 os Estados membros que o ratificaron. 12 de decembro: Os diputados europeos aproban as candidaturas búlgara e romanesa para o posto de Comisario.
	2007	1 de xaneiro: Entrada de Bulgaria e Romanía. Nace a Europa dos 27. Comeza a presidencia semestral alemá. 8 e 9 de marzo: Celebración do Consello Europeo de primavera en Bruxelas onde o tema central é a proposta dunha política enerxética común. 24 e 25 de marzo: Cumio informal de xefes de Estado para celebrar os 50 anos do Tratado de Roma. Sinatura da Declaración de Berlín.