A Unión Europea

A principios dos anos 90, coa finalidade de dar cobertura informativa verbo das institucións europeas ós municipios da provincia, en concreto, e cidadáns, en xeral, iniciáronse os estudios necesarios para xerar no seo da estructura provincial unha unidade especializada en información sobre a Unión Europea.

As deputacións poden ser un órgano de enlace axeitado para a transmisión da información que, producida na UE, poida ser de interese para os municipios, co convencemento de que o aloxamento das colectividades locais en relación á Unión nada bo pode traer, excepto potenciar a nosa realidade de periferia.

Gran parte dos municipios da nosa provincia carecen dos medios técnicos e económicos para poder desenvolver os servicios que os cidadáns lles demanden e a lexislación lles impón. Polo tanto, continuando coa liña da asistencia e cooperación cos municipios, é a nosa intención iniciar unha nova actividade que, dirixida ós municipios, permita que poidan acceder a novos instrumentos técnicos e económicos utilizables a prol da producción de procesos de desenvolvemento local.

O acceso á información europea pode ser o punto de partida para a solución dalgúns, e en calquera caso non acceder a ela significa perder oportunidades para os municipios desta provincia.

Concretando, as razóns que impulsan a creación dun órgano especializado en facilitar información sobre a Unión Europea son:

O encaixe axeitado desta actividade nos fins e competencias que a lexislación española a través da Lei reguladora das bases do réxime local atribúen ás deputacións provinciais, e en concreto a función de asistencia e cooperación xurídica, económica e técnica ós municipios e especialmente a aqueles que se caracterizan pola súa menor capacidade económica e de xestión (art.36 da Lei 7/85 de 2 de abril e arts. 30 e ss. do Real decreto lexislativo 781/86).
A Comunidade Autónoma de Galicia está declarada zona Obxectivo 1 para os efectos de asignación de Fondos Europeos. A nosa consideración é que só a través dunha información axeitada, en tempo e forma dirixida ós entes locais que se integran no territorio provincial, é posible facer viable o acceso ós instrumentos financeiros da Unión Europea co fin de facilitar a viabilidade de proxectos dirixidos a promover desenvolvemento económico e social.
O convencemento de que é necesario que potenciemos entre todas as institucións a presencia cualitativa e cuantitativa dos entes locais na construcción de Europa.

Todas estas razóns leváronnos a solicitar da Comisión Europea un Punto de Información Europeo.

¿Que é un IPE?

Un IPE é un centro oficial de información pertencente ás Redes de Información da Dirección Xeral de Prensa e Comunicación dependente da Comisión Europea.

O IPE realiza catro tipos de funcións:

Proporcionar ó público unha primeira resposta á súa petición de información sobre a Unión Europea, as súas políticas e os seus programas;
Proporcionar axuda en calquera busca de información (servicio preguntas/respostas) e proporcionar acceso, en réxime de consulta, á documentación oficial (documentos e/ou publicacións das institucións europeas);
Orientar a demanda, cando resulte necesario, cara outras fontes de información máis apropiadas. Para iso, o IPE traballará en estreita colaboración coas demais ligazóns de información comunitarias existentes a nivel rexional, valorizando así a súa acción;
Participar no debate sobre a Unión Europea (xunto coas demais ligazóns e redes de información europeas da rexión) mediante a organización de seminarios, encontros, debates, etc.

Servizos

Para a realización do seu obxectivo, o IPE presta actualmente os seguintes servicios:

Consultas: poderán realizarse ben persoalmente, mediante fax ou correo electrónico. Todos os datos necesarios para iso están especificados na nosa páxina.
Producción de información: a través de diferentes medios:

Dossier mensual: nel recóllense axudas comunitarias e un formulario de busca de socios, onde se pode redactar un proxecto para darlle difusión internacional.
Páxina Web: reflexo da información sobre a Unión Europea.

Distribución da información comunitaria:

Subvencións: actualizadas diariamente no noso sitio web, mediante unha completa ficha descritiva, onde se inclúen todas as ligazóns posibles ós servicios de interese.
Documentos escritos: a documentación recibida está ó dispor do público en xeral. Tamén se distribúe ás entidades públicas e privadas rexionais que poidan estar interesadas na materia correspondente. Realízanse igualmente dossieres temáticos correspondentes a temas de actualidade ou de gran demanda.

Busca de socios: temos ó dispor do público un formulario para difundilo a través de AEIDL. Igualmente facilitamos información sobre aqueles proxectos recibidos para busca de socios.

Outras actividades nas que o IPE tomou e toma parte activa: participación nun máster en estudios universitarios, cursos de especialización, participación en distintas redes (técnica e ligazóns euro da FEMP), elaboración de proxectos, colaboracións en xornadas, visión de conxunto dos fondos estructurais, convenios, etc.

Directorio do IPE

EMail: ipe@dicoruna.es
Teléfono: 981-183331
Fax: 981-183354

Xefe do Servicio de Planificación e Control / Director do Info Point Europa
Xefe da Sección de Publicacións e Información
Manuel Vázquez Sesmonde (manuel.vazquez@dicoruna.es)

Técnicas en Asuntos Europeos
   Paula Cabado Brea (paula.cabado@dicoruna.es)
   Cristina Couto Palla (cristina.couto@dicoruna.es)
Administrativa
   Ángeles Fernández Purriños (angeles.fernandez@dicoruna.es)
Auxiliar Administrativa
   Petra Vicente García (petra.vicente@dicoruna.es)

Navegar pola nosa páxina

	Volver á páxina de inicio do IPE
	Seccións principais das que se compón a web
Ligazóns externas e internas que merecen unha especial atención

Seccións principais

Unión Europea: Organización, lexislación, ... e aqueles outros aspectos relevantes para coñecer a súa estructura e funcionamento

Euro: Información xeral e técnica sobre a moeda única

Subvencións: Axudas para proxectos comunitarios

Formación e bolsas: "Se é vostede cidadán dun país da Unión Europea, ten a posibilidade de estudiar e formarse en calquera outro país da Unión"

Emprego: Informacións prácticas relativas á busca de emprego no ámbito da Unión Europea

Europa moza: Posibilidades para a xuventude na nova Europa

Centros de información: Quen pode informar sobre as diversas cuestións comunitarias

Merlín: Buscador

Merlín Europa: Arredor de mil ligazóns onde atopar información comunitaria. Tamén clasificados tematicamente

Merlín Euro: Conxunto de ligazóns dos servidores Euro que poden ser de grande interese