Leonardo

NOVENTA TITULADOS DA UDC PODERÁN FACER PRÁCTICAS EN OITO PAÍSES DA UE

DESCRICIÓN:

A Vicerreitoría de Estudantes e Relacións Internacionais da Universidade da Coruña, en colaboración con Europe Direct - Deputación da Coruña, convoca 90 estadías en prácticas para titulados recentes en empresas de Alemaña Francia, Reino Unido, Italia, Portugal, República Checa, Polonia e Grecia, dentro do programa Leonardo da Vinci "Prácticas HAC LUCE".

OBXECTIVOS:

Os obxectivos que se perseguen son:

Completar a formación teórica recibida coa experiencia práctica en empresas europeas especializadas
Mellorar as competencias lingüísticas e as posibilidades de emprego dos participantes
Obter a acreditación das competencias profesionais mediante o documento Europass-Mobility, o certificado do curso de idiomas e o diploma da empresa de acollida

FINANCIAMENTO:

Estas bolsas estarán financiadas con fondos procedentes do Programa Europeo Leonardo da Vinci, con aportacións da Deputación da Coruña e da propia Universidade da Coruña. O pago das axudas comprende o 100% dos gastos de viaxe.

DURACIÓN DAS PRÁCTICAS:

A duración das estadías será de catorce semanas, das que a primeira será de adaptación sociocultural e as trece restantes serán de prácticas en empresas.

SOLICITUDE:

Documentación a presentar:

Instancia dirixida á Vicerreitoría de Estudantes e Relacións Internacionais
Fotocopia do D.N.I.
Fotocopia do título ou do resgardo de solicitude de expedición do título
Curriculum vitae redactado en lingua inglesa

Lugar de presentación: Rexistro xeral da Universidade da Coruña ou nos rexistros auxiliares (Rexistro do Campus de Ferrol e de Elviña).

A listaxe de persoas seleccionadas e a listaxe de agarda faranse públicas na páxina web da Universidade da Coruña.

CRITERIOS DE ADXUDICACIÓN:

A adxudicación das prazas farase en base a criterios como:

Nota media simple do expediente académico da titulación obtida na Universidade da Coruña
Nivel de idioma esixido polo país de acollida
Adecuación da titulación ao ámbito da práctica solicitada
Motivación para realizar a estadía en prácticas, que se valorará mediante unha entrevista persoal

PUNTO DE CONTACTO:

O SAEE (Servizo de Apoio ao Emprendemento e ao Emprego) colabora na difusión desta Convocatoria e informa, tanto nas súas instalacións da Coruña e Ferrol, como na súa páxina web e no enderezo de correo electrónico saee@udc.es do procedemento de solicitude e calquer outro aspecto relacionado con estas estadías.

Asimesmo, desenvolveranse diversas accións informativas nos diversos Centros Universitarios, cos usuarios do SAEE e do Portal EmpregoUDC (www.emprego.udc.es).

CONVOCATORIA DAS BOLSAS