MÚSICA

A música, xunto coa lingua e as demais artes, forman parte do ser humano dende os seus inicios, chegando a constituír uns elementos moi importantes no desenvolvemento da humanidade.

Dende a Unión Europea, anímase aos mozos ao desenvolvemento das súas actividades artísticas e musicais, para iso cóntase con programas de apoio ao desenvolvemento artístico e musical, promóvese a mobilidade estudantil e intercambios, aparecendo unha rede de erasmus que levan a cabo unha experiencia enriquecedora agrupándose baixo a rede Polifonía (Erasmus Thematic Network for Music).

A rede Polifonía é un proxecto financiado pola Comisión Europea que se preocupa da actividade profesional musical que se produce no ámbito europeo, sendo o proxecto europeo máis grande sobre a música profesional ata o momento, con máis de 60 institucións no campo da educación e profesión musical en 30 países europeos. Coordínao conxuntamente o Royal College of Music in Stockholm e a Asociación Europea de Conservatorios. Polifonía está apoiada pola Rede Erasmus da Unión Europea ata o 1 de outubro de 2010. O primeiro período de Polifonía (2004-2007) foi declarado pola Comisión Europea como exitoso.

Outro sitio web de interese é Study Music in Europe (Estuda Música en Europa, parte do proxecto Study in Europe), que brinda información a estudantes de música que están interesados en cursar estudos de música nun conservatorio, unha academia de música, unha musikhochshule ou unha facultade de música en Europa. Dende este portal pódese acceder a sitios web de institucións de educación e formación musical superior, con información sobre temas nacionais de educación superior en música e sobre aspectos prácticos para os estudantes. A Asociación Europea de Conservatorios é a responsable da realización deste sitio web no marco do proxecto "Mundus Musicalis", en colaboración con organizacións sociais a nivel mundial e co apoio financeiro do programa ERASMUS MUNDUS da Unión Europea.

No sitio web Study in Europe atoparás información relativa ás posibilidades de estudo e das condicións de vida nos diferentes países europeos que conforman o Espazo Europeo de Educación Superior.