LINGUAS

A lingua, xunto coas demais artes, forman parte do ser humano dende os seus inicios, converténdose en elementos moi importantes no desenvolvemento da humanidade. O coñecemento da lingua é fundamental para poder traballar xuntos na Unión Europea, xa que facilita o entendemento entro os diferentes pobos que a conforman. Ademais, a lingua é un patrimonio que hai que coidar, xa que o dominio dos idiomas contribúe a aumentar a competitividade e mobilidade das empresas e dos cidadáns.

A Comisión Europea fomenta a aprendizaxe de linguas, promove o multilingüismo, a todos os niveis para que os cidadáns poidan aproveitar ao máximo as oportunidades que brinda o proxecto europeo, preocupándose de preservar a diversidade lingüística de Europa e sendo vínculo con outras culturas; todos eles mediante o coñecemento das linguas, o aumento dos recursos para a aprendizaxe de idiomas, o desenvolvemento e compartir ferramentas, métodos e materiais de ensinanza. Tamén se intenta sensibilizar aos cidadáns sobre a importancia dos coñecementos de linguas para a boa marcha da economía e para a cohesión social.

A meta da política lingüística é lograr que todos os cidadáns da UE poidan falar, polo menos, dúas linguas ademais da súa lingua materna. Para iso, disponse dunha serie de recursos ao alcance dos cidadáns, por medio dos programas Comenius, Leonardo; Erasmus e Erasmus Mundus, Grundtvig, voluntariado, cooperación e visitas; búscase que os cidadáns sexan quen de desenvolver e mellorar as linguas, a través de intercambios escolares, mobilidade profesional, estancias noutros países da Unión Europea, etc.

A Comisión Europea desenvolveu unha actividade-concurso baixo o título Juvenes Translatores, con ela incentivouse entre os xóvenes o coñecemento da lingua e ademais o interese pola tradución e interpretación de textos, reflectindo a importancia que ten o coñecemento das linguas en Europa. Este ano tamén podes participar, consulta a seguinte ligazón onde encontrarás a información de participación.

Se estás interesado en saber como soan as diferentes linguas oficiais de Europa preme na ligazón de Linguas en Europa e poderás escoitar o idioma desexado mentres ves a súa grafía.

No sitio web da Comisión Europea dedicado ás linguas podes encontrar:
1) historia e familias lingüísticas
2) linguas oficiais da UE
3) linguas rexionais e minoritarias, e
4) linguas xestuais que hai en Europa
5) financiamento a través de diferentes vías.