DEPORTE

Comisión Europea - Deporte

O deporte é unha parte esencial da vida de millón de cidadáns europeos, aínda que non é unha competencia directa da Unión Europea, moitas das políticas están relacionadas co mesmo. Se consultas a web da Comisión Europea da Xuventude, no apartado de deportes verás os diferentes temas cos que se relaciona. No portal tamén poderás atopar as posibilidades de financiamento no ámbito do deporte.

A páxina de Eurolympic organiza os diferentes Comités Olímpicos Nacionais Europeos, formando unha asociación deles, os cales non teñen ánimo de lucro e organizan as responsabilidades públicas que se basean na extensión por toda Europa dos ideais Olímpicos, a educación da xuventude polo deporte nun espírito de mellor comprensión, amizade e respecto para o ambiente, a promoción de cooperación entre esta asociación para a investigación, estudo de intereses comúns, informacións e defensa de actitudes comúns, e o desenvolvemento dos programas de Solidaridade Olímpicos do Comité Olímpico Internacional. Tamén recolle a súa organización, o newsletter mensual, actividades e novas de eventos deportivos e de actualidade.

Tamén relacionada con esta web anterior está a páxina do Comité Olímpico Español (COE), que recolle as noticias relacionadas co deporte, as oportunidades para os atletas, bolsas, e demais temas de formación neste ámbito. Igualmente atópase na web do European Olympic Committee (Comité Olímpico Europeo).

Outras webs que recollen novas de interese son a Special Olympics Europe/Eurasia e Special Olympics Spain, organismo creado co obxectivo de promover a práctica habitual do deporte entre as persoas con discapacidade intelectual, para que aprendan, gocen e se beneficien da participación activa en deportes individuais e colectivos. Tamén recolle as convocatorias de campionatos e demais eventos deportivos.

A páxina Sport in Europe (Deporte en Europa) comeza a funcionar baixo o marco do proxecto Jean Monnet, financiado pola Comisión Europea. O proxecto e a web coordínaas ambas o Instituto do Desenvolvemento do Deporte Europeo e Ocio e Estudos da Universidade Deportiva Alemá. Céntrase na relación entre a Unión Europea e o Deporte, nela atoparás a relación que se establece entre a UE e o deporte para os países que a integran.

Galicia atópase inmersa dentro do Eixo Atlántico do Noroeste Peninsular, o que se supón que se adopten medidas conxuntas en diferentes temas que son de interese para a sociedade europea e o seu desenvolvemento, por iso, teñen unha sección dedicada aos deportes na cal podes visualizar as actividades que se desenvolven e os xogos que organizan.