CIENCIA

Se es mozo/a e estás interesado na ciencia nesta páxina tes á túa dispoñibilidade os recursos relacionados coa ciencia, astronomía, investigación, tecnoloxía e experimentación neste campo, coas novidades da Axencia Espacial Europea e outas entidades, encargadas do desenvolvemento científico e tecnolóxico en Europa.

Na páxina da Axencia Espacial Europea (ESA) encontrarás as oportunidades de emprego e de prácticas de aprendizaxe nesta organización, consulta a páxina web e encontrarás as vacantes de emprego dispoñibles, as oportunidades de prácticas segundo sexas estudante, doutorado ou demais. Ademais, ofrécese información sobre a ciencia en Europa.

Na Axencia Espacial Europea, tamén se ofrece aos máis pequenos un espazo dirixido a eles baixo o título ESA Kids, onde se dá a oportunidade de coñecer e aprender de forma divertida e interactiva conceptos relacionados coa ciencia a través dos xogos que se presentan.

Este ano 2009 está dedicado ao Ano Internacional da Astronomía, é importante porque dende aquí preténdese dar a coñecer a ciencia dende o ámbito astronómico, poderás encontrar na web diferentes recursos documentais e multimedia (na web en inglés) así coma actividades que se fan con relación a estes temas.

A Comisión Europea quere que a ciencia sexa algo divertido para os máis mozos, así presenta un proxecto de colaboración entro o consorcio de museos da ciencia, centros de investigación, universidades, outras organizacións e profesores, este proxecto finánciao a Comisión Europea. O obxectivo do proxecto NUCLEUS é incentivar o interese, entre a mocidade, da ciencia e mellorar o seu ensino. A iniciativa tende a man a profesores, alumnos, científicos, comunicadores e educadores, e desenvolve o portal Xplora, onde os profesores e alumnos poden ver novas científicas así coma gozar doutras vantaxes se se rexistran.

Unha páxina que che será útil para coñecer as políticas da Unión Europea é Research, dependente da Comisión Europea. A través da iniciativa "a Ciencia na Sociedade" búscase estimular unha integración harmoniosa do esforzo científico e tecnolóxico e a política de investigación asociada na sociedade europea. Anima a discutir sobre a ciencia e a tecnoloxía e a relacionala coa sociedade e a cultura, baseándose na capacidade da sociedade europea para crear e explotar o coñecemento e innovar.

Unha páxina de utilidade é Science in Europe (Ciencia en Europa), unha web onde encontrarás diferentes ligazóns a sitios web dos diferentes países integrantes da Unión Europea sobre temas diferentes do ámbito científico.

A última páxina European Science Foundation (Fundación Europea da Ciencia) podes ver a información dividida por áreas temáticas de investigación, as actividades que se desenvolven, publicacións, así como as ofertas das oportunidades de financiamento e de emprego.