Durante os vindeiros anos, a Unión Europea efectuará a maior inversión realizada ata agora a través dos instrumentos de cohesión e estos destinaranse, fundamentalmente, ás rexións do obxectivo converxencia.

Galicia, antiga rexión obxectivo Nº 1 no período 2000-2006, pasa a ser obxectivo "Convergencia" no novo período.

Sen dúbita, este feito posibilitará que fagamos fronte a novos retos de forma efectiva, unha oportunidade para orientar as axudas comunitarias cara unha maior competitividade baseada nas políticas de Investigación, desenvolvemento e innovación (I+D+i), e un maior crecemento, emprego e sostenibilidade.

A presente publicación recopila a nova normativa básica e pon de relevo algunhas das cuestións fundamentais dos Fondos comunitarios. O obxectivo xeral é alentar e infundir ánimos a tódolos responsables de programas e proxectos de desenvolvemento local e rexional para que teñan unha participación activa durante o período 2007 - 2013.