| |
- Organismo: Consellería do Mar (Xunta
de Galicia).
- Descrición/Obxectivos: A
presente convocatoria de propostas ten por obxecto a concesión de
axudas a proxectos colectivos de acondicionamento mariño e rexeneración,
financiados polo Fondo Europeo de Pesca, que permitan mellorar a
produtividade dos bancos marisqueiros con problemas de perda de
produción e que contribúan de forma sustentable a mellorar a xestión
e conservación dos recursos mariños vivos.
- Proxectos obxecto de subvención: Poderán
ser obxecto de subvención as accións colectivas que se desenvolvan
na Comunidade Autónoma de Galicia que teñan por obxecto contribuír
de forma sostible a mellorar a xestión ou conservación dos recursos,
mediante o acondicionamento e rexeneración para a mellora da produtividade
dos bancos marisqueiros con problemas de perda de produción.
- Beneficiarios: Poderán ser
beneficiarios das subvencións as entidades do sector pesqueiro,
sempre que desenvolvan as súas actividades profesionais no sector
pesqueiro, marisqueiro e acuícola e teñan a sede social na Comunidade
Autónoma de Galicia.
Estas entidades son: as confrarías de pescadores, as organizacións
de produtores, as cooperativas do mar, as asociacións de profesionais
do sector e as demais entidades asociativas xuridicamente recoñecidas
e constituídas por profesionais do sector.
- Financiamento: As subvencións
concederanse con cargo ás aplicacións orzamentarias que en cada
un dos anos de vixencia do actual programa operativo Fondo Europeo
de Pesca 2007-2013 sinale a correspondente Lei de orzarvos xerais
da Comunidade Autónoma de Galicia, dotadas con fondos do Fondo Europeo
de Pesca, así como do Estado membro.
Os importes máximos das subvencións que se concedan en 2010 ascenderán
a 10.985.000 euros.
- Prazo de presentación das solicitudes:
07.06.2010
- Lugar de presentación das solicitudes:
Os interesados deberán presentar a correspondente solicitude nalgún
dos seguintes órganos:
- Rexistro Único e Información da Xunta de Galicia
- Rexistros das delegacións territoriais e delegacións comarcais
da Consellería do Mar
- Por calquera outro medio disposto no artigo 38.4º da Lei
30/1992, de 26 de novembro, de réxime xurídico das administracións
públicas e do procedemento administrativo común
|
- Centro de información:
Consellería
do Mar Edificios Administrativos San Caetano, s/n - 15704 Santiago
de Compostela Tel.: 981 545 400 Fax: 981 544 037 Formulario
de consulta |
|
carta de
servizos
contacto
DO serie L e C DO serie S 