| |
- Organismo: Consellería
do Mar (Xunta de Galicia).
- Descrición/Obxectivos: A
concesión das axudas para os investimentos na mellora das condicións
da transformación e comercialización dos produtos procedentes da
pesca e a acuicultura dispostas nos artigos 34 e 35 do Regulamento
(CE) 1198/2006 do Consello, do 27 de xullo de 2006, relativo ao
Fondo Europeo de Pesca, para o período 2007-2013.
- Tipos de apoio: Subvención a fondo perdido
en réxime de concorrencia competitiva.
- Beneficiarios:
- Poderán ser beneficiarios das axudas as persoas físicas ou xurídicas
que sexan titulares de establecementos de transformación e/ou comercialización
de produtos da pesca, o marisqueo e a acuicultura xa existentes na Comunidade
Autónoma de Galicia, e aquelas que establezan nela novos centros.
- Non poderán ser beneficiarios destas axudas as persoas nas
cales concorra algunha das circunstancias establecidas no artigo
10 da Lei 9/2007, do 13 de xuño, de subvencións de Galicia,
nin as empresas en crise, de acordo coa definición e condicións
establecidas nas directrices comunitarias sobre as axudas estatais
de salvamento e de reestruturación de empresas en crise (2004/C244/02).
- As axudas aos investimentos, de acordo co establecido no artigo
35 do Regulamento (CE) 1198/2006 do Consello, do 27 de xullo,
relativo ao FEP, limitaranse ás microempresas, ás pequenas
e medianas empresas e ás empresas non previstas pola definición
de microempresa, pequena ou mediana empresa tal e como se definen
na Recomendación 2003/361/CE da Comisión, do 6 de maio de
2003, sobre a definición de microempresas, pequenas e medianas
empresas (DOCE, serie L nº 124, do 20 de maio), con menos
de 750 empregados ou cun volume de negocios inferior a 200 millóns
de euros.
- As empresas deberán cumprir os criterios de independencia
segundo a Recomendación da Comisión, do 6 de maio de 2003, sobre a definición
de microempresas, pequenas e medianas empresas. Para o cálculo dos efectivos
(número de persoas ocupadas) e dos importes financeiros terase en conta o indicado
na citada recomendación.
- Sectores incentivables: Sector
da pesca e da acuicultura.
- Proxectos obxecto de subvención: Poderán
ser subvencionables os investimentos en activos fixos materiais
novos para a creación, ampliación e modernización das instalacións
situadas en Galicia destinadas á transformación e/ou comercialización
de produtos da pesca, o marisqueo e a acuicultura, que teñan por
obxecto un ou varios dos seguintes investimentos e actuacións:
- A mellora das condicións de traballo;
- A mellora e o seguimento das condicións hixiénicas e de saúde
pública ou da calidade dos produtos;
- A produción de produtos de alta calidade para mercados altamente
especializados;
- A redución do impacto negativo no ambiente;
- Unha mellor utilización de especies pouco aproveitadas, subprodutos
e residuos;
- A produción ou comercialización de novos produtos, a aplicación
de novas tecnoloxías ou o desenvolvemento de métodos innovadores
de produción ou comercialización;
- A comercialización de produtos procedentes esencialmente dos
desembarques locais e da acuicultura.
- Gastos subvencionables:
- Construción, ampliación, modernización ou acondicionamento
de bens inmobles, sempre e cando estea xustificada a súa necesidade
para a explotación de que se trate. Estes bens non deberán ter
recibido nos últimos 10 anos ningunha subvención nacional ou
comunitaria que poida comportar duplicidade da axuda.
- Maquinaria, instalacións e equipamentos de primeiro uso.
- Os gastos de proxecto técnico e dirección de obra ata un límite
do 12% do custo indicado no proxecto, sempre que a actuación
a que se refira resulte seleccionada.
- Instalacións telefónicas e fax, equipamentos e programas informáticos
relacionados coas actividades de produción e de comercialización
da empresa. Exclúense os equipamentos informáticos portátiles.
- Elementos de transporte interno, sempre que formen parte integrante
do proxecto que se presente.
No caso de investimentos consistentes en obras ou subministracións,
será requisito imprescindible para a concesión da axuda que os servizos
da consellería certifiquen o non inicio dos investimentos con anterioridade
ao comezo da execución.
- Contía das axudas: As
axudas teñen carácter de subvencións de capital.
A porcentaxe máxima de contribución pública das axudas será, de
acordo co establecido no anexo II do Regulamento do Fondo Europeo
da Pesca (FEP), igual ou menor ao 60% do total dos gastos subvencionables.
Respecto ás empresas que non teñan a consideración de microempresas,
pequenas ou medianas, segundo definición da Recomendación 2003/361/CE
da Comisión, do 6 de maio de 2003, e que teñan menos de 750
empregados ou un volume de negocios inferior a 200 millóns de euros,
a contribución pública reducirase nun 30 %.
Para o ano 2010, o importe máximo das subvencións que se
concedan será de 11.000.000 euros.
- Prazo de presentación das solicitudes:
28.02.2010
- Lugar de presentación das solicitudes:
Rexistro Único e de Información do complexo
administrativo de San Caetano (Santiago de Compostela) ou
no de calquera dos departamentos territoriais da Consellería
do Mar
|
Realización telemática:
|
http://webpesca.xunta.es/web/pesca/ordesresolucions?content=/
Pesca/Contidos/Resolucions/resolucion_0401.html?page=1
|
- Centro de información:
|
Consellería do Mar
(Dirección Xeral de Competitividade
e Innovación Tecnolóxica)
Teléfono: 981 546 347
|
|
carta de
servizos
contacto
DO serie L e C DO serie S 
