ED A Coruña. Axudas
Terceira convocatoria: Interreg IVC. Cooperación territorial.

• Descrición: A presente convocatoria, mediante a cooperación interrexional, pretende mellorar a eficacia das políticas de desenvolvemento rexional e contribuír á modernización económica e ao aumento da competitividade europea. Todo iso:

  - Habilitando actores locais e rexionais na Unión Europea que intercambien as súas experiencias e coñecementos.
  - Relacionando rexións con menos experiencias en certos campos da política con rexións máis avanzadas.
  - Asegurando a transferencia de boas prácticas en programas de Fondos Estruturais.

• Obxectivos: Nesta convocatoria, só se admitirán Proxectos Financeiros (Capitalisation Projects), incluíndo proxectos de vía rápida (Fast Track Projects), pero non serán admisibles as solicitudes de proxectos de iniciativa rexional.
  
  
• Prioridades temáticas: Este programa consta de dúas prioridades temáticas relativas á estratexia da Unión Europea para o crecemento e desenvolvemento sostible que se enmarca nas Estratexias de Lisboa e Goteborg. Os solicitantes teñen que orientar a súa solicitude cara un dos subtemas seguintes:
  • Prioridade 1: Economía da innovación e do coñecemento:
    • Innovación, investigación e desenvolvemento tecnolóxico.
    • Espírito empresarial e PEME.
    • Sociedade da información.
    • Emprego, recursos humanos e educación.
  • Prioridade 2: Medio natural e prevención de riscos.
    • Riscos naturais e tecnolóxicos, cambio climático.
    • Xestión da auga.
    • Prevención e xestión de residuos.
    • Diversidade biolóxica e patrimonio natural, calidade do aire.
    • Enerxía e transporte sostible.
    • Patrimonio cultural e paisaxe.

• Beneficiarios:Poden participar neste programa só autoridades e entidades de dereito público, tanto dos 27 estados membros, como de Noruega e Suíza.
  
  
• Orzamento: A cantidade de axuda FEDER para esta convocatoria é de 15 millóns de euros, sen asignación específica para cada prioridade ou subtema. Para ser elixibles, as solicitudes teñen que propor un orzamento dun mínimo de 1 millón de euros e un máximo de 2 millóns de euros, sendo a taxa de cofinanciamento FEDER 75% ou 85% dependendo do estado membro.

• Prazo de presentación da solicitude: Desde o 9 de decembro de 2009 ata o 5 de marzo de 2010.
  
  
• Lugar de presentación das solicitudes: O formulario de solicitude é un documento Excel que ten que cubrirse segundo as instrucións detalladas nel e presentarse por vía electrónica enviándoo a application@interreg4c.eu . Así mesmo, enviarase ao seguinte enderezo:

INTERREG IVC 3rd call for proposals Les Arcuriales - Entrée D - 5e étage 45 rue de Tournai 59000 LILLE FRANCE

• Centro de información: A autoridade responsable do programa ten a súa base en Lille, Francia, e traballa con catro puntos de información localizados en determinados lugares de Europa aos que se ten que acudir dependendo do país. Son os seguintes:
  
  
  

  Information Point	Geographical area
  North (Rostock, Germany) IP-North@interreg4c.eu	Denmark, Estonia, Finland, Germany, Latvia, Lithuania, Sweden, Norway
  East (Katowice, Poland) IP-East@interreg4c.eu	Austria, Bulgaria, Czech Republic, Hungary, Poland, Romania, Slovakia, Slovenia
  South (Valencia, Spain) IP-South@interreg4c.eu	Cyprus, Greece, Italy, Malta, Portugal, Spain
  West (Lille, France) IP-West@interreg4c.eu	Belgium, France, Ireland, Luxembourg, Netherlands, United Kingdom, Switzerland

• Máis información