Base legal: Decisión 2007/124/CE do Consello, de 12 de febreiro de 2007 (DO L 58/1 de 24.2.2007), pola que se establece para o período 2007-2013 o programa específico «Prevención, preparación e xestión das consecuencias do terrorismo e doutros riscos en materia de seguridade», integrado no programa xeral «Seguridade e defensa das liberdades».

Periodo de vixencia: 1 xaneiro 2007-31 decembro 2013.

Obxectivos: Polo que se refire á prevención e preparación fronte aos riscos asociados ao terrorismo, o programa terá como obxectivo:

• promover e apoiar as avaliacións dos riscos que pesan sobre as infraestruturas críticas e a elaboración de metodoloxías de protección e de normas de seguridade;
• apoiar medidas operativas compartidas para mellorar a seguridade das cadeas transfronteirizas de subministración;
• fomentar a cooperación e os intercambios de experiencia no ámbito da protección das infraestruturas críticas.

Polo que se refire á xestión das consecuencias, o programa terá como obxectivos:

• promover os intercambios de coñecementos técnicos e boas prácticas entre os distintos protagonistas encargados da xestión das crises;
• organización de exercicios conxuntos co fin de aumentar a coordinación entre os servizos competentes.

Accións subvencionables: O programa financiará, nas condicións establecidas no programa de traballo anual, os seguintes tipos de accións:

• proxectos de dimensión europea lanzados e xestionados pola Comisión;
• proxectos transnacionais que deberán contar coa participación de polo menos dous Estados membros ou de polo menos un Estado membro e outro país, que poderá ser un país adherente ou candidato;
• proxectos nacionais desenvolvidos nos Estados membros que:
  • sexan preparatorios de proxectos transnacionales e/ou accións da Unión («medidas iniciais»),
  • sexan complementarios de proxectos transnacionales e/ ou accións da Unión («medidas complementarias»),
  • contribúan a desenvolver métodos e/ou tecnoloxías innovadores susceptibles de ser transferidos ás medidas a escala da Unión, ou desenvolvan tales métodos ou tecnoloxías con vistas á súa transferencia a outros Estados membros e/ou a outro Estado, que poderá ser un país adherente ou candidato;

Poderán, en particular, beneficiarse dun apoio financeiro: as medidas de cooperación e coordinación operativas (reforzo das redes ou da confianza e a comprensión mutuas, desenvolvemento de plans de intervención e intercambio e difusión de información, experiencias e mellores prácticas); as actividades de análises, seguimento, avaliación e auditoría; o desenvolvemento e a transferencia de técnicas e métodos, especialmente polo que se refire ao intercambio de información e á interoperatividad; as actividades de formación e intercambio de persoal e expertos; e as actividades de sensibilización e difusión.

Orzamento: Contía próxima a 140 millóns de euros.

Páxina principal no servidor Europa