Galego / Castellano
galego carta de servizos contacto DO serie L e C DO serie S convocatorias busca socios programas novas prensa dixital e-Boletín ED publicacións ED CE en España presidencia UE ligazóns

 


 
 

ED A Coruña. Axudas
Programa específico: Prevención e loita contra a delincuencia (2007-2013)
 
  • Base legal: Decisión 2007/125/JAI do Consello, de 12 de febreiro de 2007 (DO L 58/7 de 24.2.2007), pola que se establece para o período 2007-2013 o programa específico Prevención e loita contra a delincuencia, integrado no programa xeral Seguridade e defensa das liberdades.

  • Periodo de vixencia: 1 xaneiro 2007- 31 decembro 2013.

  • Descrición: O programa contribuirá a garantir un elevado nivel de seguridade aos cidadáns mediante a prevención e a loita contra a delincuencia, organizada ou doutro tipo, e en particular contra o terrorismo, a trata de seres humanos, os delitos cometidos contra nenos, o tráfico de drogas, o tráfico de armas, a corrupción e a fraude.
    Inclúe catro aspectos temáticos principais: prevención da delincuencia e criminoloxía; represión do delito; protección e apoio ás testemuñas; e protección ás vítimas.

  • Obxectivos: O programa perseguirá os seguintes obxectivos específicos:
    • Alentar, promover e desenvolver os métodos e instrumentos horizontais necesarios para unha estratexia de prevención e loita contra a delincuencia e de garantía da seguridade e a orde pública, tales como o labor realizado na rede de prevención da delincuencia da Unión Europea, as asociacións entre os sectores público e privado, o intercambio das mellores prácticas en materia de prevención, a comparabilidad das estatísticas, a criminoloxía aplicada e unha mellor formulación da cuestión dos delincuentes xuvenís.
    • Promover e intensificar a coordinación, a cooperación e o coñecemento mutuo entre as forzas de seguridade, outras autoridades nacionais e os servizos competentes da Unión Europea no que se refire ás prioridades sinaladas polo Consello, en particular, as que figuran na avaliación da ameaza da delincuencia organizada de Europol.
    • Promover e desenvolver as mellores prácticas en materia de protección e apoio ás testemuñas.
    • Promover e desenvolver as mellores prácticas en materia de protección das vítimas do delito.

  • Accións subvencionables: O programa financiará, nas condicións establecidas no programa de traballo anual, os seguintes tipos de accións:
    • proxectos de dimensión europea lanzados e xestionados pola Comisión;
    • proxectos transnacionais que deberán contar coa participación de polo menos dous Estados membros ou de polo menos un Estado membro e outro país, que poderá ser un país adherente ou candidato;
    • proxectos nacionais desenvolvidos nos Estados membros que:
      • sexan preparatorios de proxectos transnacionais e/ou accións da Unión («medidas iniciais»),
      • sexan complementarios de proxectos transnacionais e/ ou accións da Unión («medidas complementarias»),
      • contribúan a desenvolver métodos e/ou tecnoloxías innovadores susceptibles de ser transferidos ás medidas a escala da Unión, ou desenvolvan tales métodos ou tecnoloxías con vistas á súa transferencia a outros Estados membros e/ou a outro Estado, que poderá ser un país adherente ou candidato;
    • subvencións de funcionamento concedidas a organizacións non gobernamentais que, con fins non lucrativos, persigan os obxectivos do programa a unha escala europea.
    Poderán, en particular, beneficiarse dun apoio financeiro: as medidas de mellora da cooperación e a coordinación operativas (reforzo das redes ou da confianza e a comprensión mutuas, intercambio e difusión de información, experiencias e mellores prácticas); as actividades de avaliación, control e análise; o desenvolvemento e a transferencia de técnicas e métodos; as actividades de formación e intercambio de persoal e expertos; e as actividades de sensibilización e difusión.

  • Destinatarios: O programa vai dirixido ás forzas de seguridade e outros organismos, institucións ou operadores públicos ou privados, incluídas as autoridades locais, rexionais e nacionais, os interlocutores sociais, as universidades, as oficinas estatísticas, as organizacións non gobernamentais, as asociacións dos sectores público e privado e os organismos internacionais competentes.
    Poderán acceder ao programa os organismos e organizacións dotados de personalidade xurídica establecidos nos Estados membros. Os organismos e organizacións con ánimo de lucro só poderán acceder ás subvencións xunto con organizacións sen ánimo de lucro e organismos públicos.
    Polo que se refire aos proxectos transnacionales, os terceiros países e as organizacións internacionais estarán autorizados a participar en calidade de socios, pero non a presentar proxectos.

  • Orzamento:  Contía próxima a 600 millóns de euros.