Base legal: Decisión Nº 1150/2007/CE do Parlamento Europeo e do Consello, de 25 de setembro de 2007 (DOUE L 257/23 de 03.10.2007), pola que se establece para o período 2007-2013 o programa específico "Información e prevención en materia de drogas" como parte do programa xeral "Dereitos fundamentais e xustiza".

Periodo de vixencia: 1 xaneiro 2007-31 decembro 2013.

Descrición: O programa se dirixe a garantir un alto nivel de protección da saúde humana e reducir os danos para a saúde asociados á droga. Trata de contribuír a: previr e reducir o consumo de droga, a dependencia e os danos con ela relacionados; contribuír á mellora da información sobre o consumo de droga; e servir de apoio na execución da Estratexia da UE en materia de drogas.

Obxectivos: O Programa perseguirá os seguintes obxectivos específicos:
a) Fomentar as accións transnacionales co fin de:

• crear redes multidisciplinares,
• asegurar a expansión da base de coñecementos, o intercambio de información e a determinación e difusión de boas prácticas, entre outras cousas mediante a formación, as viaxes de estudos e o intercambio de persoal,
• aumentar a sensibilización sobre os problemas sanitarios e sociais causados polo consumo da droga e fomentar un diálogo aberto con vistas a promover unha mellor comprensión do fenómeno das drogas, e
• apoiar medidas destinadas a previr o uso de drogas, incluída a redución do dano asociado coas drogas, e métodos de tratamento que teñan en conta os últimos avances científicos.
  

b) Implicar á sociedade civil na aplicación e desenvolvemento da Estratexia da UE en materia de drogas e dos Plans de acción da UE.
c) Supervisar, aplicar e avaliar a execución de accións específicas ao amparo dos Plans de acción sobre drogas 2005- 2008 e 2009-2012. O Parlamento Europeo queda incorporado ao proceso de avaliación mediante a súa participación no grupo director de avaliación da Comisión.

Ámbitos de actuación: O programa apoiará, nas condicións fixadas no programa anual de traballo, os seguintes tipos de accións:

• Accións específicas da Comisión, como estudos e investigacións, enquisas de opinión e sondaxes, elaboración de indicadores e metodoloxías, recompilación, análise e difusión de datos e estatísticas, seminarios, conferencias e reunións de expertos, organización de campañas e eventos públicos, creación e mantemento dun servizo de asistencia e de sitios Internet, preparación e divulgación de material informativo (incluídas aplicacións informáticas e medios de formación), establecemento dun grupo de estudo formado polas partes interesadas e apoio para que proporcione asesoramento especializado con respecto á violencia, apoio a outras redes de expertos nacionais e actividades analíticas, de supervisión e de avaliación.
• Proxectos transnacionais específicos de interese comunitario nos que participen polo menos dous Estados membros nas condicións establecidas nos programas de traballo anuais.
• Apoio ás actividades de ONG ou outras organizacións que persigan unha finalidade de interese europeo xeral do programa nas condicións establecidas nos programas de traballo anuais.

Participación no programa: Poderán participar nas accións do Programa os seguintes países:
- Os Estados da AELC que sexan parte no Acordo EEE, conforme ao disposto no devandito Acordo;
- Os países candidatos e os países dos Balcáns Occidentais, incluídos no proceso de estabilización e asociación de conformidade coas condicións fixadas nos acordos de asociación ou os seus protocolos adicionais relativos á participación en programas comunitarios celebrados ou que se vaian celebrar neses países.
Poderán así mesmo asociarse aos proxectos os países candidatos que non participan no Programa, cando iso poida contribuír a preparar a súa adhesión, así como outros terceiros países ou organizacións internacionais que non participan no Programa, cando iso contribúa á finalidade dos proxectos.
O acceso ao Programa estará aberto a organizacións e institucións públicas ou privadas (autoridades locais ao nivel competente, departamentos universitarios e centros de investigación) que traballen no ámbito da información e prevención do consumo de drogas, incluída a redución e tratamento dos danos asociados ás drogas.
Os organismos e organizacións con ánimo de lucro só terán acceso ás subvencións do Programa de xeito conxunto con organizacións sen ánimo de lucro ou organismos públicos.

Destinatarios: O Programa se destina a todos os grupos que directa ou indirectamente se ocupen do fenómeno das drogas.
Polo que se refire ás drogas, os mozos, as mulleres, os grupos vulnerables e as persoas que viven en zonas socialmente desfavorecidas son grupos de risco que deberán considerarse grupos destinatarios.
Outros grupos destinatarios son profesores e persoal educativo, pais, asistentes sociais, autoridades locais e nacionais, persoal médico e paramédico, persoal xudicial, autoridades policiais e penitenciarias, organizacións non gobernamentais, sindicatos e comunidades relixiosas.

Orzamento: 21.350.000 €.

Convocatorias anteriores:
- Información e Prevención en materia de Drogas. Subvencións de funcionamento 2011. Apoio ás actividades de ONG e outras organizacións. JUSTICE/2011/DPIP/OG
- Información e Prevención en materia de Drogas. Convocatoria de propostas 2009-2010. Proxectos transnacionais específicos. JLS/2009-2010/DPIP/AG