ED A Coruña. Axudas
Convocatoria de propostas en virtude do Programa Marco de Euratom de Accións de Investigación e Formación en Materia Nuclear (2012-2013)

• Descrición: Polo presente anuncio faise pública a posta en marcha dunha convocatoria de propostas en virtude do Programa Marco da Comunidade Europea da Enerxía Atómica (Euratom) de Accións de Investigación e Formación en Materia Nuclear (2012 a 2013).
• Obxectivos:
  No tema prioritario da enerxía de fusión, o obxectivo global é desenvolver a base dos coñecementos, e construír o ITER como paso fundamental cara á creación de reactores prototipo para centrais eléctricas que sexan seguras, sustentables, ambientalmente responsables e economicamente viables.
  No tema de Fisión Nuclear e Protección contra as Radiacións, o obxectivo especifico é establecer unha sólida base científica e técnica co fin de acelerar os desenvolvementos prácticos para a xestión segura dos residuos radioactivos de longa duración, para mellorar o rendemento de seguridade, a eficiencia dos recursos e a rendibilidade da enerxía nuclear e para garantir un sistema de protección para o home e o medio sólido e socialmente aceptable contra os efectos da radiación ionizante.
• Solicitantes: Esta convocatoria está aberta á participación de calquera persoa xurídica pública, establecida nun dos 27 Estados membros da UE ou países asociados. As entidades deben ser independentes unha da outra. A presente convocatoria está dirixida aos institutos de investigación, universidades, industria, incluíndo as PEME.
• Accións previstas:
  Fisión-1: Xestión dos Residuos Radioactivos:
  - Almacenamento xeolóxico
  Fisión-2: Sistemas Reactores:
  - Seguridade e competitividade de instalacións nucleares existentes e futuras
  - Sistemas nucleares avanzados para o aumento da sustentabilidade
  - Cuestións transversais dos sistemas nucleares
  - Sistemas avanzados para os usos non eléctricos da enerxía nuclear
  Fisión-3: Protección contra as Radiacións:
  - Cuantificación dos riscos para as exposicións curtas e prolongadas
  - Usos médicos da radiación
  - Xestión de emerxencias e rehabilitación
  - Actividades de investigación nacional noutras áreas
  Fisión-4: Infraestruturas:
  - Apoio ás infraestruturas
  - Acceso a infraestruturas
  Fisión-5: Recursos Humanos, Mobilidade e Formación:
  - Mobilidade e Formación de investigadores
  Fisión-6: Accións Transversais:
  - Accións transversais
• Financiamento: O orzamento total orientativo na presente convocatoria de propostas é de 53.25 millóns de EUR.
  Fisión-1: 9.00 millóns de EUR.
  Fisión-2: 20.00 millóns de EUR.
  Fisión-3: 15.00 millóns de EUR.
  Fisión-4,5 e 6: 9.25 millóns de EUR.
• Prazo: 27 de marzo de 2012 (17:00 hora local de Bruxelas).
• Lugar de presentación de solicitudes: As solicitudes mandaranse, cumprindo determinados requisitos, de forma electrónica.
• Texto da convocatoria
• Punto de información comunitario: Os solicitantes poderán enviar preguntas por correo electrónico a FP7Aor@ess-fp7.org
• Guía do candidato
• Documento oficial de publicación: DO C 14/05 do 17.12.2012
• Outros documentos relacionados coa convocatoria
• Páxina principal no servidor Europa
• Programa vinculado á convocatoria: Sétimo Programa Marco da Comunidade Europea da Enerxía Atómica (Euratom) de Accións de Investigación e Formación en Materia Nuclear (2007 a 2011)