Descrición e obxectivos: O obxectivo da rede RTE-T Autoestradas do Mar é promover a sustentabilidade en xeral e a seguridade do transporte, proporcionando unha alternativa ao conxestionado ou menos respectuoso co medio transporte terrestre. Tamén debe contribuír ao esforzo común fronte ao cambio climático. Así mesmo, débese reforzar a cohesión da UE, facilitando as conexións entre os Estados membros e entre as rexións europeas, e a reactivación das rexións periféricas.
O tipo de proxectos propostos deben incluír os seguintes instrumentos ou unha combinación destes: proxectos de implementación, accións piloto ou estudos preparatorios para a implementación de fases posteriores dos proxectos.

Solicitantes: Polo menos dous Estados membros, ou ben un Estado membro xunto a unha organización internacional, empresa conxunta ou organización pública ou privada (co consentimento dos Estados implicados) ou por último, organizacións internacionais empresas conxuntas ou organizacións públicas ou privadas (co consentimento tamén dos estados implicados).

Financiamento: O importe máximo total dispoñible para as propostas seleccionadas é, para 2010, de 85 millóns EUR.

Prazo de presentación de solicitudes:  O prazo de presentación das propostas remata o 31 de agosto de 2010.

Lugar de presentación de solicitudes:  As solicitudes, que deberán cumprir cos requisitos que se detallan na correspondente guía do candidato, enviaranse ao seguinte enderezo:

Centro de información comunitario:

TEN-T Executive Agency established by the European Commission Square Frère Orban 10 B-1040 Brussels Belgium tent-agency@ec.europa.eu

Calquera outra cuestión relacionada con esta convocatoria poderá remitirse por correo electrónico ao tenea-helpdesk-call-map2010@ec.europa.eu