ED A Coruña. Axudas
Convocatoria de propostas — EACEA/13/11 - Programa «Xuventude en acción» Acción 4.6 — «Sistemas de apoio á xuventude » — Asociacións

• Descrición: Coa presente convocatoria de propostas preténdese apoiar as asociacións con rexións, municipios, axentes da sociedade civil e organismos activos no ámbito da responsabilidade social corporativa, co fin de desenvolver a longo prazo proxectos que combinen diversas medidas do programa «Xuventude en acción»
• Obxectivos:
  Este mecanismo ten por obxectivo o fomento das sinerxías e a cooperación entre a Comisión Europea (a través da Axencia Executiva no Ámbito Educativo, Audiovisual e Cultural), e os diversos axentes que traballan no ámbito da xuventude , mediante a posta en común de recursos e prácticas con vistas á optimización do efecto do programa e á extensión do seu alcance a un maior número de beneficiarios.
  Os obxectivos específicos de tales asociacións son:
  — promover a participación de rexións, municipios, axentes da sociedade civil e organismos activos no ámbito da responsabilidade social corporativa nas actividades europeas relacionadas coa xuventude e a educación non formal,
  — contribuír ao reforzo da súa capacidade como entidades activas no ámbito da xuventude, no que atinxe á prestación de oportunidades de educación non formal aos mozos e ás persoas que traballan con eles,
  — fomentar o desenvolvemento de redes sustentables, o intercambio de boas prácticas, e o recoñecemento da educación non formal.
• Solicitantes: As propostas deberán ser presentadas por:
  — organismos públicos de ámbito rexional ou local,
  — entidades sen ánimo de lucro activas a escala europea no ámbito da xuventude (ONGE) que teñan organizacións membros en polo menos 8 países do programa «Xuventude en acción»,
  — empresas e outras entidades con ánimo de lucro activas no ámbito da responsabilidade social corporativa a favor da mocidade.
  
  Os países do Programa son:
  — os Estados membros da Unión Europea: Alemaña, Austria, Bélxica, Bulgaria, Chipre, Dinamarca, República Eslovaca, Eslovenia, España, Estonia, Finlandia, Francia, Grecia, Hungría, Irlanda, Italia, Letonia, Lituania, Luxemburgo, Malta, Países Baixos, Polonia, Portugal, República Checa, Romanía, Suecia, Reino Unido,
  — os países membros da Asociación Europea de Libre Comercio (AELC): Islandia, Liechtenstein, Noruega e Suíza,
  — os países candidatos que conten cunha estratexia de preadhesión, conforme os principios xerais e as condicións e modalidades xerais establecidas nos acordos marco subscritos con estes países para a súa participación nos programas da UE: Croacia e Turquía.
• Financiamento: O orzamento total asignado ao cofinanciamento de proxectos seleccionados no marco da presente convocatoria de propostas estímase en 2 300 000 EUR. A subvención máxima asignada a cada proxecto non excederá de 100 000 EUR. A axuda financeira da Axencia non se outorgará para cubrir máis do 50 % dos gastos subvencionables totais dun proxecto.
• Prazo: 03 de novembro de 2011.
• Lugar de presentación de solicitudes: As solicitudes mandaranse, cumprindo determinados requisitos a:
  
  

  Enderezo para o envío postal ou por servizo de mensaxería Axencia Executiva no ámbito Educativo, Audiovisual e Cultural Programa «Xuventude en Acción» — EACEA/13/11 BOUR 4/029 Avenue du Bourget/Bourgetlaan 1 1140 Bruxelles/Brussel BELGIQUE/BELGIË

• Texto da convocatoria
• Punto de información comunitario: Os solicitantes poderán enviar preguntas por correo electrónico a eacea-p6@ec.europa.eu
• Guía do candidato
• Formularios de solicitude
• Documento oficial de publicación: DO C 221/21 do 27.07.2011
• Outros documentos relacionados coa convocatoria
• Páxina principal no servidor Europa
• Programa vinculado á convocatoria: Programa: "A xuventude en acción" (2007-2013)