Europa cos ciudadáns - Irmandade de cidades- Versión para imprimir

Beneficiarios:

O programa estará aberto a todas as partes interesadas que promovan activamente a cidadanía europea, especialmente as autoridades e organizacións locais, as organizacións europeas de investigación sobre política pública (foros de reflexión), os grupos de cidadáns e outras organizacións da sociedade civil.
O programa poderá incluír actividades conxuntas e innovadoras no ámbito da cidadanía europea activa, levadas a cabo coas organizacións internacionais pertinentes, como o Consello de Europa ou a UNESCO, a partir de contribucións conxuntas e de conformidade co disposto no Regulamento financeiro e nas diversas normas de cada institución ou organización.
O programa estará aberto á participación dos países que se citan a seguir:
- os Estados membros;
- os países da AELC signatarios do Acordo EEE, de conformidade coas disposicións do devandito acordo;
- os países candidatos beneficiarios dunha estratexia de preadhesión, conforme aos principios xerais e ás condicións xerais establecidas nos acordos marco celebrados con estes países para a súa participación en programas comunitarios;
- os países dos Balcáns occidentais, de acordo coas disposicións que se establezan con estes países de acordo cos acordos marco sobre os principios xerais que rexen a súa participación nos programas comunitarios .