Galego / Castellano
galego carta de servizos contacto DO serie L e C DO serie S convocatorias busca socios programas novas prensa dixital e-Boletín ED publicacións ED CE en España presidencia UE ligazóns

 


 
 
  ED. Axudas
Convocatoria de propostas - EACEA/17/09 i2i Audiovisual
  • Descrición e obxectivos: A presente convocatoria de propostas baséase na Decisión nº 1718/2006/CE do Parlamento Europeo e do Consello, do 15 de novembro de 2006, relativa á aplicación dun programa de apoio ao sector audiovisual europeo (MEDIA 2007). Entre as medidas previstas na citada decisión figura o desenvolvemento de proxectos de produción.

    O apoio ten por obxecto facilitar o acceso das empresas de produción europeas ao financiamento concedido polos bancos e as institucións financeiras, mediante o cofinanciamento dunha parte do custo das partidas seguintes:
    • seguros para producións audiovisuais: Módulo 1 - Intervención na partida "Seguro" dun orzamento de produción,
    • garantía de bo fin para a produción dunha obra audiovisual: Módulo 2 - Intervención na partida "Garantía de bo fin" dun orzamento de produción,
    • financiamento bancario para a produción dunha obra audiovisual: Módulo 3: Intervención na partida "Gastos financeiros" dun orzamento de produción.

  • Candidatos admisibles: O presente anuncio está destinado ás empresas europeas cuxas actividades contribúen á realización dos obxectivos mencionados, en particular ás empresas de produción audiovisual independentes. Os candidatos deben estar establecidos nun dos países seguintes:
    • os 27 países da Unión Europea,
    • os países da AELC,
    • os países que cumpran as condicións estipuladas no artigo 8 da Decisión nº 1718/2006/CE, incluída Suíza e Croacia

  • Accións subvencionables: 
    A obra audiovisual proposta:
    • debe ser unha obra de ficción, animación ou un documental creativo e debe estar producida maioritariamente por empresas establecidas nun dos países que participan no Programa MEDIA,
    • na súa produción, debe participar un número significativo de profesionais nacionais dos Estados que participan no Programa MEDIA ou residentes neles.


    A duración máxima dos proxectos é de 30 meses.

    A presente convocatoria de propostas aplícase unicamente aos proxectos que comecen entre o 1.7.2009 e o 7.7.2010.

  • Financiamento: 
    O orzamento total estimado destinado ao cofinaciamento de proxectos ascende a 3 millóns de EUR. A contribución financeira non poderá superar o 50% - (60%) dos custos subvencionables. O importe da axuda oscila entre 5 000 e 50 000 EUR. O importe máximo da axuda será de 50 000 EUR por proxecto.

  • Prazo de presentación de solicitudes: As datas límite para a presentación das candidaturas serán as seguintes:
    • 5 de febreiro de 2010 para os proxectos que se inicien entre o 1 de xullo de 2009 e o 5 de febreiro de 2010.
    • 7 de xullo de 2010 para os proxectos que se inicien entre o 1 de xaneiro de 2010 e o 7 de xullo de 2010.

  • Lugar de presentación de solicitudes:


    • Education Audiovisual and Culture Executive Agency

    Call for Proposals EACEA/17/09

    Mr. Constantin Daskalakis

    BOUR 3/30 Avenue du Bourget 1 1140 Bruxelles/Brussel BELGIQUE/BELGIË

    Só se aceptarán as solicitudes presentadas no formulario apropiado, debidamente cubertas, datadas e asinadas pola persoa capacitada para subscribir compromisos xuridicamente vinculantes en nome do organismo solicitante.
    Non se aceptarán as solicitudes presentadas por fax ou correo electrónico.