| |
-
Obxectivos: O
obxectivo do programa é promover o ensino superior europeo, contribuír a ampliar
e mellorar as perspectivas profesionais dos estudantes e favorecer o entendemento
intercultural mediante a cooperación con terceiros países, de acordo cos obxectivos
da política exterior da Unión Europea, para contribuír ao desenvolvemento sustentable
de terceiros países no ámbito do ensino superior. Os obxectivos específicos do
programa son: - favorecer unha cooperación estruturada entre centros de ensino
superior e promover unha oferta de elevada calidade en materia de ensino superior
cun valor engadido verdadeiramente europeo e capacidade de atracción tanto dentro
da Unión como fóra das súas fronteiras, con vistas á creación de polos de excelencia;
- contribuír ao enriquecemento mutuo das sociedades, desenvolvendo
as cualificacións de homes e mulleres para que dispoñan
de competencias adaptadas ao mercado de traballo e teñan unha
mentalidade aberta e experiencia internacional, fomentando,
por unha banda, a mobilidade dos mellores estudantes e académicos
de terceiros países para que adquiran cualificacións
e/ou experiencia na Unión Europea e, por outro, a mobilidade
a outros países dos estudantes e académicos europeos de máis
talento;
- impulsar o desenvolvemento dos recursos humanos e a capacidade de cooperación
internacional dos centros de ensino superior de terceiros países a través do aumento
da mobilidade entre a Unión Europea e terceiros países;
- facilitar o acceso ao ensino superior europeo, reforzar o
seu prestixio e a súa visibilidade no mundo, así como a súa
capacidade para atraer a nacionais de terceiros países e a cidadáns
europeos. A Comisión velará por que ningún grupo de nacionais
de terceiros países ou de cidadáns da UE sexa excluído ou desfavorecido.
-
Solicitantes: As condicións
para ser solicitante son:
1. Ser unha persoa xurídica;
2. Ser unha universidade
ou centro de educación superior. Para ser admisible como centro de educación superior,
o solicitante deberá impartir cursos de licenciatura, posgrao ou doutoramento
dirixidos á obtención dunha titulación recoñecida polas autoridades competentes
do seu propio país.
3. Estar rexistrado nun dos países europeos sinalados
nas condicións de accesibilidade.
-
Condicións
de accesibilidade: As actividades deben desenvolverse nalgún país dos seguintes
grupos:
- Algún dos 27 países membros
- Países do sur do mediterráneo,
Europa do leste, Rusia, Repúblicas de Asia central ou Balcáns occidentais.
Orzamento:
O orzamento total aproximado para a presente convocatoria de propostas é de 15.200.000€.
-
Prazo: 15
de outubro de 2010. -
Lugar de presentación de solicitudes:
Deben presentarse por correo ordinario e por correo eletrónico:
| Education,
Audiovisual and Culture Executive Agency
Call for proposals "Erasmus Mundus
- External Cooperation Window"
Unit P4
Avenue du Bourget 1 (BOUR 02/29)
B-1040
Brussels
Correo electrónico: EACEA-EM-Partnerships@ec.europa.eu
|
-
-
-
-
Documento oficial de publicación:
DO C 311/24 do 19.12.2009
- Páxina
principal no servidor Europa
|
carta de
servizos
contacto
DO serie L e C DO serie S 
