ED A Coruña. Axudas
Convocatoria de propostas MEDIA — EACEA/19/11 Apoio á dixitalización das salas de cinema europeas

• Descrición: O presente anuncio de convocatoria de propostas baséase na Decisión nº 1718/2006/CE do Parlamento Europeo e do Consello, do 15 de novembro de 2006, relativa á aplicación dun programa de apoio ao sector audiovisual europeo (MEDIA 2007).
• Obxectivos:
  Os obxectivos principais do programa son os seguintes:
  a) preservar e reforzar a diversidade cultural e lingüística e o patrimonio cinematográfico e audiovisual europeos, garantir que o público poida acceder a eles e favorecer o diálogo intercultural;
  b) aumentar a circulación e a audiencia das obras audiovisuais europeas dentro e fóra da Unión Europea, inclusive mediante unha maior cooperación entre os axentes;
  c) reforzar a competitividade do sector audiovisual europeo no marco dun mercado europeo aberto e competitivo, favorable ao emprego, inclusive mediante a promoción dos vínculos entre profesionais do sector audiovisual.
  
  O obxectivo do programa de «dixitalización das salas de cinema» consiste en fomentar que as salas que proxecten unha porcentaxe significativa de obras europeas non nacionais aproveiten as posibilidades que ofrece a distribución en formato dixital.
  
  A presente convocatoria ten por obxecto facilitar a transición dixital das salas de cinema que proxectan películas europeas, financiando os custos indirectos vinculados á adquisición dun proxector dixital.
• Solicitantes: O anuncio diríxese aos operadores cinematográficos independentes europeos cuxa actividade principal sexa a proxección de películas.
  
  Os candidatos deberán estar establecidos nun dos países seguintes:
  — os 27 países da Unión Europea,
  — os países do EEE, Suíza e Croacia.
  
  As organizacións solicitantes deberán:
  — ser cinemas do trinque (que programen películas europeas do trinque, dentro un prazo máximo de doce meses tras a estrea nacional), — estar abertas ao público polo menos desde hai 3 anos,
  — posuír un sistema de despacho de billetes e declaración de ingresos,
  — ter polo menos unha pantalla e 70 butacas, — exhibir 520 proxeccións anuais no caso das salas permanentes (isto é, salas en funcionamento durante un período mínimo de 6 meses ao ano), 300 proxeccións no caso das salas cunha soa pantalla (30 proxeccións ao mes) e polo menos 30 proxeccións ao mes no caso dos cinemas de verán/salas ao aire libre (salas que funcionan durante menos de 6 meses ao ano),
  — ter polo menos 20 000 espectadores durante os 12 meses anteriores ou vender 20 000 entradas no caso de que se aboou un prezo de entrada normal.
• Financiamento: O orzamento anual total asignado ao cofinanciamento dos proxectos ascende a 2 000 000 EUR.
  A contribución financeira é unha subvención e corresponderá a unha suma a tanto alzado dun máximo de 20 000 EUR por pantalla.
  A subvención comprenderá todos os gastos relacionados coa transición dixital das salas de cinema europeas, con exclusión dos custos do proxector dixital e o servidor.
  A Axencia resérvase o dereito a non asignar todas as subvencións dispoñibles.
• Prazo: 15 de setembro de 2011.
• Lugar de presentación de solicitudes: As solicitudes mandaranse, cumprindo determinados requisitos a:
  
  

  Enderezo para o envío postal ou por servizo de mensaxería: MEDIA programme — Distribution EACEA/19/11 — Digitisation of cinemas Education, Culture and Audiovisual Executive Agency (EACEA) Constantin DASKALAKIS BOUR 3/66 Avenue du Bourget/Bourgetlaan 1 1049 Bruxelles/Brussel BELGIQUE/BELGIË

  
  
• Texto da convocatoria
• Formularios de solicitude
• Documento oficial de publicación: DO C 191/09 do 01.07.2011
• Outros documentos relacionados coa convocatoria
• Páxina principal no servidor Europa
• Programa vinculado á convocatoria: MEDIA