| |
-
Eidos de actuación:
Pola presente convocatoria, a Comisión convida ás institucións científicas,
profesionais, industriais e de investigación xeral e ás agrupacións
científicas ou outras organizacións interesadas activamente na realización
de actividades de investigación e desenvolvemento tecnolóxico (IDT)
para presentar listaxes de expertos independentes propostos que poderían
ser convocados para prestar axuda para a execución de tarefas relacionadas
con:
-
o Sétimo Programa Marco da Comunidade
Europea de Accións de Investigación, Desenvolvemento Tecnolóxico
e demostración (2007 a 2013) e os seus programas específicos;
-
o Sétimo Programa Marco da Comunidade
Europea da Enerxía Atómica (CEEA),de Actividades de Investigación
e Formación en Materia Nuclear e os seus programas específicos.
- Condicións de accesibilidade:
-
Criterios xerais
- Tendo en conta os criterios e procedementos aplicables establecidos
polas normas de participación das empresas, os centros de investigación
e as universidades nas actividades do Sétimo Programa Marco
da CE e de difusión dos resultados da investigación(2007-2013),
e polas normas de participación das empresas, os centros de
investigación e as universidades nas actividades do Sétimo Programa
Marco da CEEA e de difusión dos resultados da investigación
(2007-2011), a Comisión designará expertos independentes:
- para axudar a avaliar as propostas de acordo cos distintos
obxectivos científicos, tecnolóxicos e socioeconómicos do Sétimo
Programa Marco. O labor de avaliación inclúe a formulación de
recomendacións sobre a forma de orientar a investigación para
o logro óptimo dos obxectivos do programa específico de que
se trate;
- para axudar a supervisar os proxectos seleccionados e financiados
pola Comunidade, incluídos, se é necesario e do modo adecuado,
os proxectos financiados pola Comunidade dentro de programas
marco de IDT anteriores; o para outras fins que requiran eventuais
competencia específicas.
-
Expertos
- Espérase que os expertos independentes propostos posúan as
competencias e coñecementos pertinentes nos campos de actividade
nos que a súa axuda poida ser solicitada. Os expertos independentes
potenciais deberán posuír así mesmo unha experiencia profesional
de alto nivel no sector público ou privado nun ou varios dos
seguintes sectores de actividade:
- investigación nos campos científicos e tecnolóxicos pertinentes,
+ administración, xestión ou avaliación de proxectos de IDT,
- utilización dos resultados dos proxectos de investigación
e desenvolvemento tecnolóxico, transferencia tecnolóxica, innovación
e cooperación empresarial, en especial no que respecta ás PEME;
- problemática da relación entre ciencia e sociedade (por exemplo,
educación, comunicación, competencias técnicas, riscos, cuestións
éticas, etc.),
- cooperación internacional no campo da ciencia e a tecnoloxía,
o desenvolvemento de recursos humanos.
- Os expertos independentes potenciais deberán ter así mesmo
competencias lingüísticas axeitadas.
-
Solicitude
- A solicitude deberá cumprimentarse nunha das linguas oficiais
da Unión Europea.
-
Beneficiarios:
persoas físicas interesadas en presentar a súa propia candidatura
como expertos independentes potenciais para ser incluídos na base
de datos de expertos para o sétimo programa marco. A Comisión lembra
non obstante que non está obrigada a chamar exclusivamente a expertos
rexistrados nesta base de datos. A Comisión pode, en efecto, nomear
expertos independentes exteriores de acordo co previsto nos procedementos
de nomeamento establecidos polas normas.
- Prazo de presentación de solicitudes
:
- O prazo de presentación das devanditas listaxes finalizará o
31 de xullo de 2013.
- Lugar de presentación de solicitudes:
-
Convídase ás organizacións
anteriormente mencionadas a manifestar o seu interese no sitio web
de Cordis creado para o efecto desde onde se poderán
conectar para remitir a listaxe de expertos que desexen recomendar.
- Centros
de información comunitarios
|
carta de
servizos
contacto
DO serie L e C DO serie S 