Base legal: Decisión do Consello do 19 de decembro de 2006 relativa ao programa específico que debe executar mediante accións directas o Centro Común de Investigación dentro do Sétimo programa marco da Comunidade Europea de accións de investigación, desenvolvemento tecnolóxico e demostración (2007-2013) (2006/975/CE) [DO L400/369 do 30.12.2006].

Descrición: Este Programa Específico determinará as accións de tipo non nuclear do Centro Común de Investigación:

• En cumprimento da súa misión, o CCI deberá prestar un apoio científico e técnico, segundo as necesidades dos clientes, ao proceso de elaboración das políticas comunitarias, apoiar a aplicación e o control das políticas actuais e responder ás novas demandas políticas. Para cumprir a súa misión, o CCI deberá realizar investigación da máis elevada calidade relativa da Unión Europea, mantendo mesmo o seu propio nivel de excelencia científica.
• Ao executar este Programa específico de conformidade coa súa misión, o CCI deberá facer especial fincapé en áreas de especial interese para a Unión: a prosperidade unha sociedade intensiva en coñecementos, a solidariedade, a sostibilidade e a xestión responsábel dos recursos, a seguridade e a liberdade, e a posición de Europa como socio mundial

Condicións de accesibilidade: Aplicaránselle ao Programa específico as normas de participación e difusión relativas ás accións directas.

Financiamento: O importe que se estima necesario para executar o programa específico ascenderá a 1751 millóns de euros.

Programas relacionados:

• VII Programa marco sobre Investigación da Comunidade Europea