Galego / Castellano
galego carta de servizos contacto DO serie L e C DO serie S convocatorias busca socios programas novas prensa dixital e-Boletín ED publicacións ED CE en España presidencia UE ligazóns

 


 
 
 

ED A Coruña.Axudas
Programa: Sétimo programa marco da Comunidade Europea da Enerxía Atómica (Euratom) de accións de investigación e formación en materia nuclear (2007 a 2011)  
 

  • Base legal: Decisión do Consello do 18 de decembro de 2006 relativa ao sétimo programa marco da Comunidade Europea da Enerxía Atómica (Euratom) de accións de investigación e formación en materia nuclear (2007 a 2011) (2006/970/Euratom) (DO L 400/60 do 30.12.2006).
  • Período de vixencia: 01.01.2007-31.12.2011
  • Descrición: O sétimo programa marco terá como obxectivos xerais os estabelecidos nos artigos 1 e 2, letra a), do Tratado, contribuíndo, ao mesmo tempo, á creación dunha sociedade baseada no coñecemento, a partir do Espazo Europeo da Investigación. O sétimo programa marco abarcará as actividades comunitarias de investigación, desenvolvemento tecnolóxico, cooperación internacional, difusión de información técnica e explotación, así como formación, que deben concretarse en dous programas específicos.

    O primeiro programa específico cubrirá os seguintes aspectos:
    • a) investigación sobre a enerxía de fusión: O obxectivo deste apartado é desenvolver a tecnoloxía necesaria para lograr unha fonte de enerxía segura, sostíbel, respectuosa do medio ambiente e economicamente viábel;
    • b) fisión nuclear e protección contra as radiacións: Trátase de mellorar, en particular, a seguridade, a eficiencia do consumo de recursos e a relación custo/eficacia, fomentando o uso e explotación seguros da fisión nuclear e outros usos da radiación na industria e a medicina.
O segundo programa específico cubrirá as actividades do Centro Común de Investigación (CCI) no eido da enerxía nuclear.
  • Eidos de actuación: O sétimo programa marco da Comunidade Europea da Enerxía Atómica (Euratom) de accións de investigación e formación en materia nuclear articúlase en dous grandes apartados: por unha parte, as accións «indirectas» sobre a investigación da enerxía de fusión, e sobre a fisión nuclear e a protección contra as radiacións, e, por outra, as actividades de investigación «directas» do CCI.

    INVESTIGACIÓN SOBRE A ENERXÍA DE FUSIÓN
    Obxectivo: Desenvolver a base de coñecementos que permita a creación de reactores prototipo para centrais eléctricas que sexan seguros, sostíbeis, respectuosos do medio ambiente e economicamente viábeis, e construír o ITER como paso fundamental cara a ese obxectivo.

    Actividades
    1. A creación do ITER, como infraestructura de investigación internacional.
    2. I+D para preparar o funcionamento do ITER.
    3. Actividades tecnolóxicas para preparar a DEMO, unha central eléctrica de fusión con fins de "demostración".
    4. Actividades de I+D a máis longo prazo.
    5. Recursos humanos, educación e formación.
    6. Infraestruturas.
    7. Procesos de transferencia de tecnoloxía.

    FISIÓN NUCLEAR E PROTECCIÓN CONTRA AS RADIACIÓNS
    Obxectivo: Estabelecer unha base científica e técnica sólida coa fin de acelerar a evolución técnica no que se refire a unha xestión máis segura dos residuos nucleares de longa duración, mellorando, en particular, a seguridade, a eficiencia no consumo de recursos e a relación custo/eficacia, da enerxía nuclear, e asegurando un sistema sólido e socialmente aceptábel de protección das persoas e o medio ambiente contra os efectos das radiacións ionizantes.

    Actividades
    1. Xestión de residuos radioactivos.
    2. Sistemas de reactores.
    3. Protección contra as radiacións.
    4. Infraestruturas.
    5. Recursos humanos, mobilidade e formación.

ACTIVIDADES NUCLEARES DO CENTRO COMÚN DE INVESTIGACIÓN
Obxectivo: Prestar un apoio científico e técnico impulsado polos clientes ao proceso de elaboración das políticas comunitarias, apoiando a aplicación e o control das actuais políticas e respondendo ás novas necesidades de maneira flexible.

Actividades
As actividades do CCI centraranse en:
  1. Xestión de residuos nucleares e impacto medioambiental.
  2. Seguridade operacional nuclear.
  3. Seguridade nuclear.

Ademais, o CCI facilitará un debate baseado nos feitos e unha adopción de decisións con coñecemento de causa no relativo á adecuada combinación de enerxías para satisfacer as necesidades enerxéticas de Europa (incluídas as fontes renovábeis de enerxía e a enerxía nuclear).