Galego / Castellano
galego carta de servizos contacto DO serie L e C DO serie S convocatorias busca socios programas novas prensa dixital e-Boletín ED publicacións ED CE en España presidencia UE ligazóns

 


 
 
 ED A Coruña. Axudas
Programa para a iniciativa empresarial e a innovación (programa específico dentro do Programa marco para a innovación e a competividade 2007-2013)
  • Base legal: Decisión nº 1639/2006/CE do Parlamento Europeo e do Consello do 24 de outubro de 2006 pola que se establece un programa marco para a innovación e a competitividade (2007-2013) (DO L 310/15, de 09.11.2006).

  • Período de vixencia: 01.01.2007-31.12.2013

  • Descrición e obxectivos: O programa para a iniciativa empresarial e a innovación é un programa de apoio ás empresas, en particular as PEME, o espírito empresarial, a innovación incluída a innovación ecolóxica e a competitividade industrial.

    O programa para a iniciativa empresarial e a innovación incluirá accións para apoiar, mellorar, fomentar e promover:
    • O acceso ao financiamento para a posta en marcha e o crecemento das PEME, e para o investimento en actividades de innovación;
    • A creación dun medio favorable para a cooperación da PEME, especialmente no ámbito da cooperación transfronteiriza;
    • Calquera forma de innovación nas empresas;
    • A innovación ecolóxica;
    • A iniciativa empresarial e a cultura da innovación;
    • A reforma económica e administrativa relacionada coa a empresa e a innovación.

  • Instrumentos financeiros comunitarios para as PEME:  
    • O mecanismo para as PEME innovadoras e de rápido crecemento (MIC);
    • O mecanismo de garantía PEME;
    • O sistema de desenvolvemento de capacidades.

      O obxectivo dos instrumentos financeiros comunitarios será facilitar o acceso das PEME ao financiamento en determinadas fases do seu ciclo de vida, a saber: as fases de lanzamento, de posta en marcha, de expansión e de transmisión de empresas. O ámbito dos instrumentos pertinentes abarcará tamén os investimentos da PEME en actividades como o desenvolvemento tecnolóxico, a innovación, incluída a innovación tecnolóxica, e a transferencia de tecnoloxía, así como na expansión transfronteiriza da súa actividade comercial.

  • Procedemento: A Comisión publicará anualmente o programa de traballo anual.

  • Beneficiarios: As PEME.

  • Orzamento: A dotación orzamentaria orientativa do programa específico será o 60% do orzamento total do Programa marco para a innovación e a competividad (3.621.600.000 euros), do que aproximadamente a quinta parte dedicarase a fomentar a innovación ecolóxica.

  • Centro de información comunitario:

    European Commission
    Enterprise & Industry DG
    B-1049 Brussels
    Belgium
    Fax: +32 (0)2 299 80 16
    E-mail: entr-cip@ec.europa.eu