Galego / Castellano
galego carta de servizos contacto DO serie L e C DO serie S convocatorias busca socios programas novas prensa dixital e-Boletín ED publicacións ED CE en España presidencia UE ligazóns

 


 
 
 
IPE.Axudas
Programa: Erasmus Mundus (2009-2013)
 
  • Base legal:
    • Decisión nº 1298/2008/CE do Parlamento Europeo e do Consello, do 16 de decembro de 2008, pola que se establece o programa de acción Erasmus Mundus 2009-2013 para a mellora da calidade do ensino superior e a promoción do entendemento intercultural mediante a cooperación con terceiros países.

  • Período de vixencia: 01.01.2009 - 31.12.2013

  • Descrición: Establécese o programa Erasmus Mundus, destinado a promover a calidade do ensino superior en Europa, mellorar o potencial dos estudantes e fomentar o entendemento intercultural. O programa tamén pretende favorecer o desenvolvemento do ensino superior en terceiros países.

  • Obxectivos: Os obxectivos específicos do programa son mellorar os seguintes ámbitos:
    • a cooperación entre os centros europeos de ensino superior;
    • a calidade do ensino superior;
    • as competencias e cualificacións dos cidadáns (europeos e de terceiros paí ses) a través da mobilidade;
    • os centros de ensino superior de terceiros países, en termos de recursos humanos e cooperación internacional;
    • a visibilidade e o acceso ao ensino superior europeo, incluso para os cidadáns de terceiros países.
  • Accións previstas: O programa Erasmus Mundus executarase a través das seguintes tres accións:
    • programas conxuntos Erasmus Mundus de alta calidade, consistentes en mestrados e doutoramentos;
    • asociacións Erasmus Mundus entre centros de ensino superior de Europa e de terceiros países;
    • medidas que fomenten o ensino superior europeo
  • Participación: O programa Erasmus Mundus estará aberto á participación de centros de ensino superior, centros de investigación e empresas; estudantes de ensino superior de todos os niveis; investigadores postdoutorais, académico e persoal docente no ámbito do ensino superior; e outros organismos públicos ou privados que traballen no ámbito do ensino superior.

O programa está dirixido aos Estados membros da Unión Europea (UE). Tamén está aberto aos países da Asociación Europea de Libre Comercio que son membros do Espazo Económico Europeo, os países candidatos á adhesión á UE, os países dos Balcáns Occidentais e a Confederación Suíza, sempre que se asinen os convenios específicos oportunos.