Base legal: Decisión do Consello do 23 de maio de 2006 relativa á celebración do Acordo entre a Comunidade Europea e os Estados Unidos de América polo que se renova o programa de cooperación en materia de ensino superior e de ensino e formación profesional.

Descrición: Os obxectivos xerais do programa son os seguintes:
1. Fomentar a comprensión mutua entre os pobos da Comunidade Europea e os Estados Unidos de América, incluído un maior coñecemento das linguas, culturas e institucións;
2. Mellorar a calidade da formación dos recursos humanos, tanto na Comunidade Europea coma en EEUU, entre outras cousas mediante a adquisición das habilidades e coñecementos indispensables para afrontar os retos da economía global baseada no coñecemento.

Os obxectivos específicos son:
1. Aumentar a colaboración entre a Comunidade Europea e os Estados Unidos no ámbito da educación superior e a formación profesional.
2. Contribuír ao desenvolvemento das institucións encargadas da educación superior e da formación profesional.
3. Contribuír ao desenvolvemento persoal dos participantes polo seu beneficio propio e, ao mesmo tempo, contribuír á consecución dos obxectivos xerais do programa.
4. Fomentar os intercambios transatlánticos entre cidadáns europeos e norteamericanos.

Eidos de actuación:
- Acción de Títulos Transatlánticos. Proporcionarase apoio ás asociacións multilaterais de institucións de UE e de Estados Unidos co propósito de establecer programas de estudos conxuntos -incluíndo títulos conxuntos/dobres- e a mobilidade transatlántica de estudantes e facultades.
- Establecer Proxectos de mobilidade de excelencia, proporcionando apoio financeiro para mobilidade de estudantes a colectivos que teñen unha probada carreira de excelencia na cooperación transnacional.
- Medidas de política-orientadora, facendo comparacións entre aspectos de educación superior e formación profesional e promovendo o diálogo no recoñecemento de títulos e homologación.
- Acción Schuman-Fulbright. Proporcionando bolsas a profesionais altamente cualificados para levar a cabo estudos ou formación no outro lado do Atlántico, en áreas de especial relevancia para as relacións UE/USA. Os detalles da acción Schuman-Fulbright serán desenvolvidos por medio da cooperación entre a Comisión Europea e o Departamento de Estado de Estados Unidos.

Beneficiarios: Institucións de educación superior, institucións de formación profesional ou ocupacional, tanto públicas como privadas e estudantes. Todas as asociacións deben ter un mínimo de 3 institucións ou organizacións de educación superior ou de formación profesional, na que participen polo menos dúas institucións de diferentes Estados membros da UE e polo menos unha institución dos Estados Unidos.