Fondos e Instrumentos Financeiros para o período 2007-2013

No período de programación 2007-2013 establécense tres instrumentos no eido da política de cohesión: o Fondo Europeo de Desenvolvemento Rexional (FEDER), o Fondo Social Europeo (FSE) e o Fondo de Cohesión.

Á marxe da política rexional regúlanse os instrumentos de axuda ao desenvolvemento rural, isto é, o Fondo Europeo Agrícola de Desenvolvemento Rural (FEADER), e ao sector pesqueiro, en concreto o Fondo Europeo de Pesca (FEP) que deben integrarse nos instrumentos da política agrícola común e da política común de pesca e coordinarse cos instrumentos da política de cohesión.

Neste período de programación nace un novo instrumento financeiro, a Agrupación europea de cooperación transfronteriza (AECT). A finalidade deste novo instrumento é facilitar a cooperación transfronteriza, transnacional ou interrexional entre as autoridades rexionais e locais.

Obxetivos, rexións subvencionables e instrumentos: Durante o período 2007-2013, o FEDER, o FSE e o Fondo de Cohesión contribuírán á consecución de tres obxectivos: Obxectivo converxencia (FEDER, FSE e Fondo de Cohesión), Obxectivo competitividade rexional e emprego (FEDER e FSE) e o Obxectivo cooperación territorial europea (FEDER).