Galego / Castellano

IPEAxudas

FSE ( Fondo Social Europeo).

• Base legal: Regulamento (CE) nº 1262/1999 do Parlamento Europeo e do Consello do 21 de xuño de 1999 relativo ao Fondo Social Europeo (DOCE L 161/48, 26.6.1999) | Artigo 148 do Tratado constitutivo da Comunidade Europea | Regulamento (CE) nº 1784/1999 do Parlamento Europeo e do Consello do 12 de xullo de 1999 relativo ao Fondo Social Europeo (DOCE L 213/5, 13.8.1999)

• Período de vixencia: 01.01.2000 - 31.12.2006

• Descrición: O Fondo Social Europeo (FSE) foi creado hai 40 anos en virtude do Tratado de Roma que deu nacemento á antiga Comunidade Económica Europea (CEE). Na actualidade a súa misión consiste en apoiar medidas de desenvolvemento dos recursos humanos co fin de promover un elevado nivel de emprego e de protección social, a igualdade entre homes e mulleres, un desenvolvemento sostíbel e a cohesión económica e social.

• Eidos de actuación: As axudas financeiras do Fondo destinaranse especialmente ás seguintes actividades;
 
• asistencia a persoas:
 
• educación e formación profesional e formación previa, incluídos o ensino e a mellora das competencias básicas (incluídas a alfabetización), a orientación e o asesoramento;
• axudas ao emprego e axudas para o autoemprego;
• no ámbito do desenvolvemento da investigación, a ciencia e a tecnoloxía, formación postuniversitaria e formación de directivos e técnicos en centros de investigación e en empresas;
• desenvolvemento de novas fontes de emprego;
• asistencia a estruturas e sistemas;
 
• desenvolvemento e mellora da calidade e o contido dos sistemas de formación, de ensino e de cualificación, incluída a formación do profesorado, os instrutores e o persoal, e mellora do acceso dos traballadores á formación e as cualificacións;
• modernización e maior eficacia dos servizos de emprego;
• desenvolvemento de vínculos entre o mundo do traballo e os centros de ensino, formación e investigación;
• desenvolvemento de sistemas para a planificación e a previsión dos cambios no emprego e o desenvolvemento das cualificacións, particularmente en relación cos novos  modelos de traballo e coas novas formas de organización do traballo;
• medidas de acompañamento:
 
• asistencia á prestación de servizos a beneficiarios, incluída a posta a disposición de servizos e instalacións de asistencia para persoas dependentes, a atención sanitaria e a axuda xurídica;
• desenvolvemento de capacidades, en especial, para facilitar a vía á integración no mercado de traballo;
• sensibilización, información e publicidade.

• Obxectivos: O FSE pode financiar actividades dentro dos obxectivos nº 1, 2 e 3.

• Beneficiarios: Autoridades públicas locais e rexionais.

• Financiamento: Os recursos dos Fondos Estruturais para o período 2000-2006 suman 218.400 millóns de euros.

• Programas relacionados: FEDER; IFOP; FEOGA-Orientación; Fondo de Cohesión.

• Centros de información comunitarios:

 

Comisión Europea. Dirección Xeral de Emprego, Relacións Laborais e Asuntos Sociais (DGV). Rue de la Loi 200. B- 1049. Bruxelas. Fax +32 2 296 67 01

• Centros de información en España:

 

Ministerio de Traballo. Unidade Administradora do FSE.  Pío Baroja, 6 1ª planta.  28071. Madrid. Tfno: (91) 409 09 41.  Fax: (91) 547 16 01.

• Centros de información en Galicia.

 

Consellaría de Familia, Muller e Xuventude. Dirección Xeral de Formación e Emprego. Edificio Administrativo San Caetano, s/n. 15771. Santiago de Compostela.  Tfno: 981 54 56 75. Fax : 981 54 46 04.

• Convocatorias anteriores:
  • Medidas innovadoras conforme ao art. 6 do FSE Estratexias locais de emprego e innovación (VP/2001/017) DOCE C 306/10 do 31.10.2001
  • Accións xeradoras de emprego no marco da Subvención Global do Fondo Social Europeo. Bases reguladoras Obxectivo nº1 e Obxectivo nº3 
  • Medidas innovadoras conforme ao regulamento do FSE  (VP/2001/005). DOCE C 62/05 do 27.02.2001
  • Acción piloto "Capital local con finalidade social". Art 6 FSE. (DOCE C 228/09, 21.07.98)
  • Acción piloto "Capital local con finalidade social". (DOCE C 238/09, 29.07.98)
  • Medidas innovadoras conforme ao artigo 6 do Regulamento do Fondo Social Europeo. Convocatoria de candidaturas nº AC/2003/001 para elaborar unha listaxe de expertos con vistas á avaliación das propostas recibidas no marco da convocatoria de propostas VP/2003/21 «Enfoques innovadores da xestión do cambio ». DO C 242/13 do 09.10.2003 )
  • Apoio aos interlocutores sociais a nivel europeo para desenvolveren iniciativas que promovan a mobilidade, publicada en la DX de Emprego e Asuntos Sociais.
  • Medidas innovadoras financiadas en virtude do artigo 6 do Regulamento do Fondo Social Europeo "Enfoques innovadores da xestión do cambio (VP/2003/021), DO C 262/11 do 31.10.2003 e DO C 255/11 do 15.10.2004
  • Accións innovadoras financiadas en virtude do artigo 6 do Regulamento do Fondo Social Europeo: "Transferencia e difusión da innovación derivada dos proxectos realizados co apoio do artigo 6 do Regulamento relativo ao Fondo Social" (VP/2002/017), DO C 292/63 do 30.11.2004
    
    
• Textos oficiais técnicos e temáticos relativos ao FSE

• Páxina principal na Unión Europea
  
  
• Proxectos en Europa

• Rexión obxectivo:  O FSE intervén en todo o territorio da Unión Europea en favor das categorías de persoas que se achan ou poidan acharse en situación delicada en materia de emprego.

• Liña orzamentaria: B2-13