| |
- Base legal:
- Período
de vixencia: 2007 - 2013
-
Descrición:
O FEDER foi creado en 1975 coa finalidade de ser un instrumento financeiro de
cohesión tendente a diminuír as diferenzas de desenvolvemento entre as
rexións da Comunidade. O FEDER contribuirá ao financiamento de axudas orientadas
a reforzar a cohesión económica e social mediante a corrección dos principais
desequilibrios rexionais grazas ao apoio ao desenvolvemento ao axuste estrutural
das economías rexionais, así como á reconversión das rexións industriais
en declive e das rexións atrasadas, e a unha cooperación transfronteiriza,
transnacional e interrexional. Con isto, o FEDER dará cumprimento ás prioridades
da Comunidade e, en particular, á necesidade de impulsar a competitividade
e a innovación, crear e salvagardar postos de traballo duradeiros e garantir un
desenvolvemento sostíbel.
-
Eidos
de actuación: O FEDER contribuirá ao financiamento de:
a) investimentos
produtivos que contribúan a crear ou preservar postos de traballo duradeiros,
principalmente mediante axuda directa ao investimento, perante todo nas pequenas
e medianas empresas (PEME);
b) investimentos en infraestruturas;
c)
desenvolvemento do potencial endóxeno mediante medidas que axuden ao desenvolvemento
rexional e local. Estas medidas inclúen axuda ás empresas, especialmente
ás PEME, e prestación de servizos a elas, creación e desenvolvemento de
instrumentos de financiamento, como fondos de capital risco, de préstamo e de
garantía, fondos de desenvolvemento local, bonificacións de intereses,
interconexión en rede, cooperación e intercambio de experiencias entre rexións,
cidades e os axentes sociais, económicos e medioambientais pertinentes;
d)
asistencia técnica, segundo o disposto nos artigos 45 e 46 do Regulamento (CE)
no 1083/2006.
- Eidos de aplicación :
-
De acordo co obxectivo de «converxencia», o FEDER destina a súa axuda a respaldo o desenvolvemento económico sostible integrado, así como a creación de empregos duradeira. Os programas operativos nos Estados membros pretenden modernizar e diversificar estruturas económicas rexionais nos ámbitos seguintes, entre outros:
- investigación e desenvolvemento tecnolóxico (IDT), innovación e espíritu de empresa;
- sociedade da información;
- medio ambiente;
- prevención de riscos;
- turismo;
- cultura;
- transporte;
- enerxía;
- educación;
- infraestructuras sanitarias e sociais;
- axuda directa aos investimentos en pequenas e medianas empresas.
-
Para o obxectivo "Competitividade rexional e emprego", as prioridades agrúpanse en torno a tres puntos:
- innovación e economía do coñecemento: fortalecemento das capacidades rexionais de investigación e desenvolvemento tecnolóxico, estímulo da innovación e o espírito empresarial e fortalecemento da enxeñaría financeira, especialmente para as empresas vinculadas á economía do coñecemento;
- medio ambiente e prevención de riscos: rehabilitación de terreos contaminados, fomento da eficacia enerxética, promoción de transportes públicos urbanos limpos e elaboración de plans para previr e administrar os riscos naturais e tecnolóxicos;
- acceso aos servizos de transportes e telecomunicacións de interese económico xeral.
-
No caso do obxectivo “Cooperación territorial europea”, o FEDER concentra a sua axuda en tres eixos:
- desenvolvemento de actividades económicas e sociais transfronteirizas;
- establecimento e desenvolvemento da cooperación transnacional, incluida a cooperación bilateral entre as rexións marítimas;
- fortalecimento da eficacia da política rexional mediante a promoción e a cooperación interrexional, a conexión en rede e o intercambio de experiencias entre as autoridades rexionais e locais.
|
carta de
servizos
contacto
DO serie L e C DO serie S 