| |
-
Introducción: Resolución do
10 de agosto de 2001 pola que se comunica a apertura do prazo de presentación
de proxectos para acollerse á iniciativa comunitaria Leader.
O artigo 20, número 1º, letra c) do Regulamento CE nº
1260/1999, do Consello, do 21 de xuño de 1999, crea unha iniciativa
relativa ó desenvolvemento rural. O 14 de abril de 2000 a Comisión
das Comunidades Europeas adopta a comunicación dirixida ós
estados membros pola que se fixan orientacións sobre a citada iniciativa
comunitaria de desenvolvemento rural, denominada Leader (DOCE C 139 do
18.5.2000).
Esta iniciativa pretende completa-los programas xerais, impulsando
actividades integradas concibidas e aplicadas por grupos de cooperación
que operen a escala local, de xeito semellante a como se concibiron as
anteriores iniciativas comunitarias Leader I e Leader II.
-
Ámbitos de actuación: O obxectivo
do Leader é incitar e axuda-los axentes do mundo rural a reflexionar
sobre o potencial do seu territorio nunha perspectiva a máis longo
prazo. Así mesmo, a dita iniciativa intenta fomenta-la aplicación
de estratexias orixinais de desenvolvemento sustentable integradas, de
calidade e destinadas á experimentación de novas formas de
valoración do patrimonio natural e cultural, de mellora do contorno
económico co fin de contribuír á creación de
emprego e de mellora da capacidade de organización das respectivas
comunidades.
De conformidade coas directrices contidas na comunicación da
comisión ós estados membros antes citada, a Xunta de Galicia
presentou para a súa aprobación un programa rexional co obxecto
de articula-la aplicación da iniciativa na Comunidade Autónoma.
-
Condiciones de accesibilidad:
-
Criterios generales
-
Esta convocatoria sométese ás bases reguladoras contidas
no programa rexional Leader aplicable na Comunidade Autónoma de
Galicia de acordo coas orientacións contidas na comunicación
da Comisión das comunidades Europeas ós estados membros,
do 14 de abril de 2000 (2000/C139/05). Así mesmo, sométese
á Decisión da comisión nº C(2001)1245, do 18
de maio.
-
A selección dos programas e dos grupos de acción local participantes
na convocatoria efectuarase mediante resolución da directora xeral
da Axencia Galega de Desenvolvemento Rural, tralo acordo adoptado pola
comisión de selección.
O prazo para dictar resolución expresa e notificala ós
interesados será de 3 meses contados desde a publicación
desta convocatoria. O vencemento de ese prazo sen que se dicte a resolución
expresa lexitima ó interesado para entender desestimada a súa
solicitude por silencio administrativo.
-
Solicitudes
-
As solicitudes indicarán, polo menos, a denominación completa,
CIF, enderezo e representante legal do solicitante.
-
Á solicitude xuntaráselle a seguinte documentación:
-
Descrición do grupo de acción local
-
Definición do territorio de aplicación
-
Proxecto de desenvolvemento rural
-
Análise do territorio
-
Diagnóstico
-
Elección e xustificación do/s tema/s aglutinador/es
-
Deseño da extratexia e obxectivos perseguidos
-
Fichas tipo de actuacións por eixes
-
Plan de financiamento por eixes e anos
-
Procedemento de xestión e aplicación
-
Compromiso de nomeamento do responsable económico-financeiro
-
Certificacións dos acordos das administracións locais implicadas
nas que se recolla o compromiso de achega-lo financiamento que corresponda
a esta administración segudo o plan financeiro do programa presentado.
-
A documentación presentarase por triplicado. Dada a participación
da Unión Europea e do Ministerio de Agricultura, Pesca y Alimentación
na iniciativa comunitaria é preciso que dous dos exemplares se presenten
integramente en castelán.
-
Finaciación: O programa rexional
establece como modalidade de aplicación a subvención global.
Conta cunha dotación orzamentaria de 54,5 millóns de euros
provenientes do fondo estructural FEOGA-O da Unión Europea para
o período 2000-2006 e afecta a todo o territorio de Galicia exceptuando
os núcleos urbanos das cidades da Coruña, Santiago de Compostela,
Lugo, Ourense, Ferrol, Pontevedra e Vigo. O resto de financiamentos públicos
previstos son:
-
Administración autonómica: 9,9 millóns de euros
-
Administración central: 9,8 millóns de euros
-
Administración local: 7,5 millóns de euros
-
Plazo de presentación de solicitudes:
17.09.2001
-
Lugar de presentación de solicitudes:
-
Presentaranse en:
Axencia Galega de Desenvolvemento Rural
Rúa da Fonte de Santo Antonio, nº 1
15702 Santiago de Compostela
|
-
ou por calquera dos medios previstos no artigo 38 da Lei 30/1992, do 26
de novembro, de réxime xurídico das administracións
públicas e do procedemento administrativo común.
-
Órgano de xestión: A Axencia
Galega de Desenvolvemento Rural ten atribuídas as funcións
de xestión, control e seguimento da iniciativa Leader en relación
ó desenvolvemento rural, de acordo coa disposición adicional
sexta da Lei 5/2000, do 28 de decembro, na que se crea a axencia, e co
Decreto 79/2001, do 6 de abril, no que se aproba o Regulamento da axencia.
- Documento de publicación: DOG
161 de 21.08.2001, pág. 11.196
|
carta de
servizos
contacto
DO serie L e C DO serie S 