| |
- Ámbitos de actuación:
o obxectivo principal deste programa de cooperación transnacional en
materia de ordenación territorial é o de mellorar a cohesión
socioeconómica no Espazo Atlántico. Tratarase de reforzar o desenvolvemento
sostíbel das rexións implicadas.
As prioridades estratéxicas do Programa Interreg III-B Espazo Atlántico
que se asentan nas liñas directrices en materia de ordenación
do territorio presentadas no Esquema Territorial Europeo (ETE, antes
PEOT), son as seguintes:
- 1. Estruturación policéntrica do espazo e desenvolvemento de
polos de competencia
- 2. Desenvolvemento de sistemas de transporte, asegurando unha
mobilidade duradeira e mellorando o acceso á sociedade da
información.
- 3. Promoción do medio natural, xestión sostíbel das actividades
económicas e dos recursos naturais.
- 4. Reforzo e promoción da identidade atlántica na globalización.
Cada unha das prioridades divídese á súa vez
en varias medidas concretas especificadas no Programa operativo. A
segunda convocatoria non se dirixe a todas as medidas do programa,
senón unicamente ás seguintes:
Prioridade B: Desenvolvemento de sistemas de transporte
Prioridade D: Reforzo e promoción da identidade atlántica
na globalización
- Requisitos dos proxectos: as propostas
serán de carácter transnacional, deberán implicar
como mínimo a socios de dous países do espazo de cooperación
e presentaranse obrigatoriamente por medio do formulario de candidatura
estabelecido para o efecto.
- Financiamento: o cofinanciamento achegado
polo FEDER ao presente Programa para a totalidade do período 2000- 2006
é de 118.979.087 euros. O importe da axuda do FEDER dispoñíbel
para esta convocatoria, a título indicativo, é de 25.603.729
euros para a prioridade B e 14.207.274 euros para a prioridade D.
- Beneficiarios: o programa está
aberto a financiar proxectos tanto do sector público como do
sector privado. Todos os proxectos deberán estar liderados por
un xefe de fila, que será responsábel financeira e xuridicamente
da globalidade do proxecto fronte á Autoridade de Xestión
do Programa.
- Prazo de presentación de solicitudes:
do 01.04.2004 ao 30.06.2004
- Rexión obxectivo: o Espazo Atlántico
está constituído polas seguintes rexións pertencentes
aos cinco Estados arriba citados:
- España : Comunidades Autónomas de Galicia, Asturias, Cantabria,
Navarra, País Vasco, A Rioxa, Casela e León, Canarias, Andalucía
(Huelva, Cádiz e Sevilla),
- Francia : as rexións de Aquitaine, Poitou-Charentes, Pays
de la Loire, Bretagne, Basse- Normandie, Haute-Normandie, Limousin,
Centre e Midi-Pyrénées,
- Irlanda : (todo o país)
- Portugal : (todo o país)
- Reino Unido: as rexións de Cumbria, Lancashire, Greater
Manchester, Cheshire, Merseyside, Worcestershire and Warwickshire,
Avon, Gloucestershire and Wiltshire, Dorset and Somerset, Cornwall
and Devon, Staffordshire, Herefordshire, Shropshire, West Midlands,
as 22 Unitary Authorities of Wales, Northern Ireland, Highlands
and Island e South Western Scotland.
- Lugar de presentación de solicitudes
Secrétariat Commun Interreg III B
« Espace Atlantique » Région Poitou-Charentes, 15 rue de l’Ancienne
Comédie, BP 575, 86021 POITIERS Cedex FRANCE por correo electrónico
ao enderezo seguinte : interreg@poitou-charentes.fr
|
|
carta de
servizos
contacto
DO serie L e C DO serie S 