Descrición e obxectivos:
O programa ten por
obxecto fortalecer economicamente o sector audiovisual para que poida desempeñar
de forma óptima as súas funcións culturais mediante o desenvolvemento dun sector
cun contido potente e diversificado e un patrimonio valioso e accesible, así como
proporcionar un valor engadido á axuda nacional.
Os obxectivos xerais do
programa son os seguintes:
a) preservar e realzar a diversidade cultural
e lingüística e o patrimonio cinematográfico e audiovisual europeos, garantir
que o público poida acceder a eles, e favorecer o diálogo intercultural;
b) aumentar a circulación e a audiencia das obras audiovisuais europeas dentro
e fóra da Unión Europea, inclusive mediante unha maior cooperación entre os axentes;
c) reforzar a competitividade do sector audiovisual europeo no marco dun
mercado europeo aberto e competitivo, favorable ao emprego, inclusive mediante
a promoción dos vínculos entre profesionais do sector audiovisual;
Obxectivos
específicos para a fase previa á produción audiovisual: polo que se refire á adquisición
e a formación de competencias no ámbito audiovisual, os obxectivos do programa
serán os seguintes:
Reforzar as competencias dos profesionais europeos
do sector audiovisual nos ámbitos do desenvolvemento, a produción, a distribución
e difusión e a promoción, co fin de mellorar a calidade e as posibilidades das
obras audiovisuais europeas. O programa apoiará especialmente accións relativas
a :
a) as técnicas de escritura de guións, co fin de aumentar a calidade
das obras audiovisuais europeas e as súas posibilidades de circulación;
b)
a xestión económica, financeira e comercial da produción, a distribución e a promoción
das obras audiovisuais, para permitir a elaboración de estratexias europeas a
partir da fase de desenvolvemento;
c) a consideración, a partir dun primeiro
momento, das tecnoloxías dixitais para a produción, a posproducción, a distribución,
a comercialización e o arquivo de programas audiovisuais europeos.
Mellorar
a dimensión europea das accións de formación audiovisual mediante:
a) unha
axuda ao traballo en rede e á mobilidade dos axentes europeos da formación, en
particular:as escolas de cinematografía europeas, os institutos de formación,
os axentes do sector profesional;
b) a formación dos formadores;
c)
a axuda ás escolas de cinematografía;
d) o establecemento de accións de coordinación
e de promoción dos organismos financiados no marco das accións enumeradas no punto
1.
Permitir, mediante a concesión de bolsas, que os profesionais orixinarios
dos Estados membros que se adheriron á Unión Europea con posterioridade ao 30
de abril de 2004 participen nas accións de formación enumeradas no punto 1.
No ámbito do desenvolvemento, os obxectivos do programa serán os seguintes:
a) apoiar o desenvolvemento de proxectos de produción destinados ao mercado europeo
e internacional, presentados por empresas de produción independentes;
b) apoiar
a elaboración de plans de financiamento para as empresas de produción europeas,
en particular o financiamento de coproducións.
Obxectivos específicos para a fase posterior á produción audiovisual. No ámbito da distribución e a difusión,
os obxectivos do programa serán os seguintes:
a) reforzar o sector da distribución
europea alentando aos distribuidores para investir na coprodución, a adquisición
e a promoción de películas europeas non nacionais e a establecer estratexias coordinadas
de comercialización;
b) mellorar a circulación das películas europeas non
nacionais nos mercados europeo e internacional con medidas que fomenten a súa
exportación, a súa distribución en todos os soportes e a súa programación
en salas de cine;
c) promover a difusión transnacional das obras audiovisuais
europeas producidas por empresas de produción independentes alentando a cooperación
entre os difusores, por unha parte, e os produtores e distribuidores independentes,
por outra parte;
d) favorecer a dixitalización das obras audiovisuais europeas
e o desenvolvemento dun mercado dixital competitivo;
e) animar ás salas a
que aproveiten as posibilidades que ofrece a distribución en formato dixital.
No ámbito da promoción, os obxectivos do programa serán os seguintes:
a) mellorar a circulación das obras audiovisuais europeas garantíndolle
ao sector audiovisual europeo un acceso aos mercados profesionais europeos e internacionais;
b) mellorar o acceso do público europeo e internacional ás obras audiovisuais
europeas;
c) favorecer accións comúns entre organismos nacionais de promoción
de películas e programas audiovisuais;
d) favorecer accións de promoción
do patrimonio cinematográfico e audiovisual europeo e a mellora do acceso do público
ao devandito patrimonio tanto a nivel europeo como internacional
carta de
servizos
contacto
DO serie L e C DO serie S 