Galego / Castellano

ED A CoruñaAxudas

Programa: Igualdade de oportunidades entre homes e mulleres (1996-2000)

• Base legal: Decisión 95/593/CE (DOCE L 335/37, 30.12.1995)

• Período de vixencia: 01.01.96-31.12.00

• Descrición: O programa ten como fin promover a integración da dimensión da igualdade de oportunidades entre homes e mulleres na elaboración, execución e seguimento de todas as políticas e accións da Unión Europea e dos Estados membros, dentro do respecto das súas competencias respectivas.

• Obxectivos:
1. O programa apoia os esforzos dos Estados membros en materia de igualdade de oportunidades entre homes e mulleres.
2. O programa ten como fin:
1. promover a integración da dimensión da igualdade de oportunidades entre homes e mulleres en todas as políticas e accións ("mainstreaming");
2. mobilizar aos axentes da vida económica e social para conseguir a igualdade de oportunidades entre homes e mulleres;
3. promover a igualdade de oportunidades entre homes e mulleres nunha economía en mutación, sobre todo nos ámbitos da educación, da formación profesional e do mercado de traballo;
4. conciliar as vidas profesional e familiar dos homes e as mulleres;
5. promover a participación equilibrada dos homes e das mulleres na toma de decisións;
6. fortalecer as condicións de exercicio dos dereitos á igualdade.

• Condicións de accesibilidade: Para poder beneficiarse dunha subvención comunitaria, os proxectos deben cumprir as condicións seguintes:
• presentar un valor engadido na Unión Europea;
• promover un ou máis dos obxectivos enumerados;
• contribuír á promoción de boas prácticas nos ámbitos da convocatoria de 1998;
• permitir intercambios transnacionais;
• prever resultados transferibles;
• incluír unha estratexia de difusión dos resultados obtidos;
• ser presentados e aplicados polos axentes e organizacións que se mencionan no apartado seguinte;
• ter obxectivos claros e concretos, así como unha duración realista con respecto a eles;
• ser obxecto dunha avaliación obxectiva e regular;
• ser tan innovadores como sexa posible en canto a contido e organización.

• Beneficiarios: os proxectos serán presentados e executados por axentes e organizacións públicas e privadas que dispoñan das cualificacións ou das experiencias axeitadas e que teñan a súa sede nun dos Estados membros da UE ou no EEE.

Foméntase en especial a participación dos seguintes axentes:
• Interlocutores sociais, en especial as propostas conxuntas de organizacións de empresarios e traballadores;
• Organizacións non gobernamentais, e en particular organizacións de mulleres;
• Organismos locais e rexionais.
Co fin de acadar a máxima repercusión e acordo co obxectivo do programa de promover a integración da dimensión de igualdade de oportunidades en todas as políticas, o proxecto debería implicar, no seu caso, a un ou máis axentes a escala nacional, rexional ou local capaces de desenvolver o tema elixido.
• Financiamento: o importe de referencia financeira para a execución do programa, para o período comprendido entre o 1 de xaneiro de 1996 e o 31 de decembro de 2000, será de 30 millóns de ecus. A autoridade presupostaria autorizará os créditos anuais axustándose ás perspectivas financeiras. Para as accións mencionadas na letra a) do apartado 1 do artigo 4, a contribución financeira da Comunidade poderá acadar:
• en xeral, un tipo medio do 60 %;
• en casos excepcionais, segundo criterios establecidos de acordo ao procedemento previsto no artigo 9, un tipo máximo máis elevado;
As accións mencionadas nas letras b) e c) do apartado 1 do artigo 4 serán financiadas na súa totalidade pola Comunidade.
• Programas relacionados: EMPLEO-NOW, IRIS, ILE

• Centros de información comunitarios:

 

Agnés Hubert  Comisión UE. DX V.  Unidade de Igualdade de Oportunidades  Tel. +32-2-295 20 93  Fax +32-2-296 35 62  B-1049 Bruxelas

• Centros de información en España:

 

María Concepción Dancausa Trevino  Instituto da Muller  Almagro, 36  Tel. +91/347 79 75  Fax. +91/347 80 73  28010 Madrid

• Socios: Non se esixen.

• Convocatorias anteriores: DOCE C 351/12 de 4.12.1999; Intercambio, desenvolvemento e transferencia de experiencias sobre boas prácticas. Convocatoria 2000 | DOCE C 377/06, 05.12.98; Intercambio, desenvolvemento e transferencia de experiencias sobre boas prácticas. Convocatoria 1999 | DOCE C 376/14, 11.12.97  Intercambio, desenvolvemento e transferencia de experiencias sobre boas prácticas. Convocatoria 1998 | DOCE C 363/10, 03.12.96; Intercambio de experiencias sobre boas prácticas

• Páxina principal na Unión Europea