|
Galego / Castellano |
|
|
Galego / Castellano |
Axudas
Programa:
Emprego-INTEGRA.(Mellora
do acceso ao mercado de traballo e as posibilidades de emprego dos grupos vulnerables).
A iniciativa "Emprego e valorización dos novos recursos humanos" é un programa comunitario que ten por obxecto contribuír ao desenvolvemento dos recursos humanos e á mellora do funcionamento do mercado de traballo co fin de impulsar o crecemento do emprego e fomentar a solidariedade social na Unión Europea así como a igualdade de oportunidades para as mulleres no mercado laboral. A iniciativa presenta catro obxectivos interrelacionados que se corresponden con catro capítulos distintos pero interconectados:
- fomentar a igualdade de oportunidades de emprego para as mulleres, especialmente medidas de formación de acceso a empregos con futuro e a postos de dirección. ("Emprego-NOW");
- mellorar as posibilidades de emprego das persoas minusválidas ("Emprego-Horizon");
- favorecer a integración da xuventude no mercado de traballo, en especial daqueles que carecen das cualificacións básicas ou de formación ("Emprego-Youthstart");
- promover medidas para mellorar o acceso ao mercado de traballo e as posibilidades de emprego dos grupos vulnerables excluídos del ou en perigo de o estar (" Emprego-Integra").
O obxectivo xeral da iniciativa EMPREGO é o seguinte:
- fomentar a solidariedade social e a igualdade de oportunidades;
- contribuír ao desenvolvemento dos recursos humanos;
- mellorar as posibilidades de acceso ao mercado laboral.
loitar contra a discriminación da que son vítimas os emigrantes, refuxiados e outras persoas desfavorecidas no mercado laboral; reducir as tensións sociais, o racismo, a xenofobia e o antisemitismo e promover unha cultura da responsabilidade cívica.
diversificar a oferta de itinerarios estruturados de reinserción profesional;
axudar a dar un novo sentimento de pertenza social e de cidadanía, necesario para acabar coa exclusión e o aillamento das zonas e barrios afectados por unha elevada taxa de paro, sobre todo dentro das zonas urbanas.
MEDIDA A
O desenvolvemento de enfoques e prácticas modélicas, que melloren o acceso a uns servicios públicos de calidade, desenvolvan as capacidades a nivel local e promovan un enfoque local en materia de reinserción. As novas accións susceptibles de ser elixidas no marco da MEDIDA A deben incluír:
MEDIDA Bo desenvolvemento de servicios comunitarios destinados aos grupos máis vulnerables dentro das comunidades urbanas, por medio de actividades dirixidas aos grupos en risco, ou á creación de centros de orientación e información en materia de sanidade, vivenda, seguridade social, problemas xurídicos, ensino, formación e posibilidades de emprego;
accións en favor dos profesionais dos servicios públicos e dos interlocutores sociais, co obxecto de promover a tolerancia e loitar contra a discriminación da que son vítimas os grupos de risco;
accións dirixidas a promover a participación dos colectivos beneficiarios (desenvolvemento da auto-confianza e motivación). Tamén poden financiarse accións de formación e de asistencia nos seguintes ámbitos: desenvolvemento e xestión de proxectos, xestión, comunicación, organizacións de actividades locais ou outras dirixidas a promover o diálogo cos axentes relevantes do sector público, privado ou asociativo;
cooperación e interaccións entre as escolas profesionais, os institutos de formación profesional e as empresas, para asegurar así a realización de novos tipos de formación en empresas e fóra do posto de traballo.
Desenvolvemento de medidas destinadas aos sistemas de formación, orientación, consello e emprego, con obxecto de actualizar as competencias de base, primeira etapa cara a rehabilitación funcional e social incluíndo tamén a formación de expertos e de responsables de recursos humanos nos distintos ámbitos relacionados coa reorganización e a adaptación do lugar de traballo.
MEDIDA C
Creación de emprego e axuda á creación de empresas, cooperativas e asociacións entre os sectores público e privado, a partir de enfoques innovadores en materia de organización do traballo, de redución dos custos profesionais para os empresarios, de creación de empregos subvencionados, de novos programas de creación de emprego, de asistencia á transición entre o emprego protexido e o mercado de traballo aberto e creación de novas colaboracións entre os sectores público e privado.
MEDIDA D
Difusión da información e actividades de sensibilización, deseñadas para informar ás persoas desfavorecidas sobre as posibilidades de emprego e formación, sensibilizando ao gran público e aos empresarios sobre as posibilidades de emprego destes colectivos.
Transnacionalidade: Cada proxecto debe agrupar a diferentes socios transnacionais (polo menos un, pero preferentemente 2 ou máis). Esta asociación transnacional implicará a concepción conxunta e a aprobación dun programa de traballo común.
Innovación: Cada proxecto deberá comportar un aspecto innovador, xa sexa a nivel de contido, de realización ou de elección dos axentes locais asociados.
A implicación do nivel local: Os proxectos terán que implicar a unha ampla serie de individuos e organizacións a nivel local co obxecto de poñer en común os seus coñecementos e experiencias para acadar un maior impacto sobre o emprego.
Carácter complementario: Os obxectivos da iniciativa EMPREGO resultan complementarios aos doutras accións comunitarias, tales como os programas LEONARDO, SÓCRATES, HELIOS e Igualdade de oportunidades, así como a outras iniciativas comunitarias e en particular os programas URBAN e PEME.
Efecto multiplicador: A experiencia fornecida polo programa debería documentarse, avaliarse e difundirse ampliamente nas redes especializadas e profesionais así como entre o público.
Os grupos desfavorecidos incluídos na iniciativa Emprego-HORIZON: desempregados de longa duración, persoas sen fogar, toxicómanos, alcohólicos, seropositivos, nómadas, mulleres con cargas familiares non compartidas, persoas ailladas, poboación penitenciaria e ex-reclusos.
Serán grupos prioritarios os emigrantes, refuxiados e outros grupos igualmente vulnerables que se poden ver expostos a unha maior discriminación no mercado de traballo debido ao aumento das tensións sociais, o racismo, a xenofobia, e o antisemitismo aos que está asistindo Europa.
| 2/3 Place du Luxembourg. B-1050. Bruxelas. Tel.: +(32.2) 511.15.10. Fax.:+(32.2) 511.19.60. |
|
José De Santiago.
IMSERSO. Xinzo de Limia.
E-28029. Madrid.
Tel. : +(34.1) 347.86.32.
Fax : +(34.1) 347.85.95.
Estrutura Nacional de Apoio.M. Angeles Riesco.
U.A-Fondo Social Europeo.
Ministerio de Traballo e AS
Pío Baroja, 6 , 1º planta.29071. Madrid.
Tfno.: +(34.1) 91/409 09 41.
Fax:: +(34.1) 91/574 16 01.
- administracións públicas e os seus organismos ( ex.: Seguridade Social);
- organizacións non gobernamentais;
- interlocutores sociais;
- PEME;
- cooperativas;
- centros caritativos e benéficos;
- asociacións de consumidores e asociacións locais.