Galego / Castellano
galego carta de servizos contacto DO serie L e C DO serie S convocatorias busca socios programas novas prensa dixital e-Boletín ED publicacións ED CE en España presidencia UE ligazóns

 


 
 
  ED A Coruña. Axudas
Programa Progress  
  • Base legal:
    • Decisión nº 1672/2006/CE do Parlamento Europeo e do Consello, de 24 de outubro de 2006, pola que se establece un programa comunitario para o emprego e a solidariedade social — Progress (DO L 315/1 do 15.11.2006).
    • Corrección de erros da Decisión nº 1672/2006/CE do Parlamento Europeo e do Consello, de 24 de outubro de 2006, pola que se establece un programa comunitario para o emprego e a solidariedade social — Progress (DO L 65/12 do 03.03.2007)
    • Decisión nº 284/2010/UE do Parlamento Europeo e do Consello de 25 de marzo de 2010 pola que se modifica a Decisión nº 1672/2006/CE pola que se establece un programa comunitario para o emprego e a solidariedade social — Progress (DO L 87/6 do 07.04.2010).

  • Período de vixencia: 01.01.2007 - 31.12.2013

  • Descrición: O programa Progress está destinado a apoiar financeiramente a execución dos obxectivos da Unión Europea en materia de emprego e asuntos sociais, conforme ao establecido na Comunicación da Comisión sobre a Axenda Social e, deste modo, contribuír a acadar os obxectivos da Estratexia de Lisboa nos devanditos ámbitos.

  • Ámbitos de actuación: O programa dividirase nas cinco seccións seguintes:
    1) Emprego.
    2) Protección e inclusión social.
    3) Condicións de traballo.
    4) Non discriminación e diversidade.
    5) Igualdade de xénero.

  • Ámbitos de actuación: O programa ten os seguintes obxectivos xerais:
    a) Mellorar o coñecemento e a comprensión da situación imperante nos Estados membros (e noutros países participantes) mediante análises, avaliacións e un estreito seguimento das políticas.
    b) Apoiar, nos ámbitos cubertos polo programa, o desenvolvemento de métodos e instrumentos estatísticos e indicadores comúns, no seu caso analizados por sexo e por grupo de idade.
    c) Apoiar e controlar a aplicación da lexislación comunitaria, cando proceda, e os obxectivos políticos da Comunidade nos Estados membros, e avaliar a súa eficacia e incidencia.
    d) Fomentar a creación de redes, a aprendizaxe mutua, a determinación e a difusión de boas prácticas e de enfoques innovadores a escala europea.
    e) Sensibilizar ás partes interesadas e ao público en xeral sobre as políticas e os obxectivos da Comunidade.
    f) Mellorar a capacidade das principais redes a escala europea para fomentar, apoiar e seguir desenvolvendo as políticas e os obxectivos da Comunidade, cando proceda.

    Promoverase a integración da perspectiva de xénero en todas as seccións e accións do programa.

  • Accións previstas: O programa financiará os seguintes tipos de accións, que se poderán realizar, se resulta procedente, nun marco transnacional:
    a) Actividades de análise..
    b) Actividades de aprendizaxe mutua, sensibilización e difusión.
    c) Apoio aos principais axentes.