Descrición: O Programa PROGRESS ten por obxectivo promover a corrente dominante de xénero nos seus cinco eidos de actuación. Consecuentemente, os beneficiarios deste programa avanzarán os pasos necesarios para asegurar que os seus empregados respectan o equilibrio de xénero a todos os niveis. Tamén prestarán a debida atención cando a súa actuación se axeite á dimensión de xénero da acción / programa de traballo para o cal foi convocada a axuda. Igualmente, as necesidades das persoas discapacitadas deberán ser recoñecidas e afrontadas cando ise aplique a acción. Isto terase en conta especialmente cando os beneficiarios organicen sesións de formación, conferencias, publicacións ou páxinas web.

Eidos de actuación:  O programa PROGRESS relativo a condicións de traballo trata de desenvolver e favorecer un movemento positivo e proactivo para a mudanza a través da promoción do intercambio de información, particularmente en relación coas consecuencias sociais e económicas.

Esta convocatoria concederá axudas para promover o desenvolvemento e a diseminación dunha mellor experiencia e capacidades entre os actores involucrados nos ámbitos de participación, preparación e a resposta socialmente aceptable para cando ocorra unha reestruturación laboral. As asignacións utilizaranse para financiar conferencias, encontros, redes de traballo, estudos, e outras actividades para acadar estes obxectivos e promover as accións presentadas na Comunicación da Comisión sobre Reestruturación e Emprego - Anticipar e acompañar as reestruturacións para desenvolver o emprego: o papel da Unión Europea (COM (2005) 120 final).

Isto tamén cobre as medidas de promoción de participación social dos empregados tal como establece a Comunicación da Comisión relativa a un marco para a participación financeira dos traballadores (COM(2002) 364 final), e particularmente aquelas medidas que desenvolvan o intercambio de información e boas prácticas. O programa PROGRESS relativo ás condicións de traballo trata de apoiar a promoción do intercambio de información e o desenvolvemento de redes de traballo de profesionais, en particular relativas á saúde e benestar no traballo e as consecuencias económicas, sociais e humanas ao redor dos cambios no mundo do traballo.
En vista destes tres obxectivos, definíronse tres subprogramas:
1. Mellora da experiencia relativa á reestruturación.
2. Mellor comprensión da saúde e benestar no traballo durante o cambio.
3. Promoción da participación financeira dos traballadores.