FINANCIAMENTO:

Estas bolsas estarán financiadas con fondos procedentes do Programa Europeo Leonardo dá Vinci, con achegas da Deputación da Coruña e da propia Universidade da Coruña.

DURACIÓN DAS PRÁCTICAS:

A duración das estadías será de 14 semanas, das que a primeira será de adaptación sociocultural e os 13 restantes serán de prácticas na empresa.

DESTINOS DAS PRÁCTICAS:

A distribución por destinos será a seguinte:

• Alemaña: 10
• Francia: 17
• Italia:16
• Portugal: 14
• Irlanda:5
• Polonia: 13
• Republica Checa : 20

REQUISITOS:

Son requisitos para poder optar a estas plazas:

• Ser titulado/a da Universidade da Coruña
• Ter coñecementos de inglés e/ou do idioma do país seleccionado
• Non ser xa beneficiario/a do programa Leonardo da Vinci con anterioridade
• Persoas con nacionalidade dun dos países da Unión Europea ou dos países participantes no Programa de Aprendizaxe Permanente (PAP).

DOCUMENTOS QUE DEBERÁN PRESENTARSE COA SOLICITUDE:

Os candidatos interesados deberán presentar unha instancia dirixida á Vicerreitoría de Estudantes e Relacións Internacionais, xunto coa cal deben achegar a seguinte documentación:

• Fotocopia do DNI
• Fotocopia do título da Universidade da Coruña (ou fotocopia do resgardo de solicitude de expedición do título)
• Currículo redactado en lingua inglesa

LUGAR DE PRESENTACIÓN DA SOLICITUDE:

As solicitudes presentaranse:

• No Rexistro Xeral da Universidade da Coruña (Rúa da Maestranza 0, 15001 A Coruña)
• No Rexistro Auxiliar do campus de Elviña (Rexistro Auxiliar de Elviña, Casa do Lagar)
• Ou no Rexistro da Vicerreitoría de Ferrol e Relación Universidade-Empresa (Rúa Dr. Vázquez Cabrera, s/n, 15403 Ferrol)
• Mediante calquera procedemento que recolla o art. 38.4 da Lei 30/92 de 26 de novembro do réxime xurídico das administracións públicas e do procedemento administrativo común.

PRAZO DE PRESENTACIÓN DAS SOLICITUDES:

Esta convocatoria permanecerá aberta ata o 1 de outubro de 2011, con estes prazos de presentación:

• Prazo de presentación para a primeira resolución: ata o 1 de xuño.
• Prazo de presentación para a segunda resolución:ata o 1 de outubro.

• Nivel do idioma esixido polo país de acollida.
• Entrevista persoal.
• Será competencia da UDC a adxudicación de destinos para aquelas persoas seleccionadas como participantes, en atención ao ámbito de actividade das empresas contactadas en cada país de envío, á adecuación dos candidatos ao programa e ao nivel mostrado de coñecemento de idiomas.