O cambio climático é un problema global, pero cada un de nós ten a capacidade necesaria para influir sobre él. Incluso os pequenos cambios no noso comportamento cotián poden contribuír a evitar emisións de gases de efecto invernadoiro sen que iso afecte a nosa calidade de vida. Co obxectivo de contribuír á difusión desta idea e de potenciar o debate na opinión pública local de cara á Conferencia de Nacións Unidas sobre Cambio Climático (Copenhague, 7-18 de decembro), Europe Direct da Deputación da Coruña organiza o "CINE - COLOQUIO: Ti controlas o cambio climático" que inclúe a proxección do documental Home e a continuación un debate sobre a nosa responsabilidade co planeta.

DESCRICIÓN

HOME, dirixido polo fotógrafo Yann Arthus-Bertrand, recoñecido experto en fotografía aérea e colaborador de National Geographic, foi producido polo destacado productor Luc Besson. Home é un filme para todo o mundo, feito co obxectivo de sensibilizar á opinión pública sobre o estado do planeta e de facer que os seus habitantes cambien o seu modo de vida adoptando un comportamento máis respectuoso do medio natural.
Esta longametraxe, un xigantesco proxecto que levou case dous anos de rodaxe en máis de 54 países, foi finanzado polo grupo Printemps-Pinault-Redoute e costou uns 10 millóns de euros. O documental foi visto case un millón e medio de veces a través do seu portal en YouTube.

Home foi filmada a bordo dun helicóptero mediante unha cámara de alta definición chamada “Cineflex”, o que lles dá ás imaxes unha gran estabilidade e fluidez. As emisións de CO2 provintes do consumo de carburante dos avións, helicópteros e automóbiles utilizados na produción da película foron compensadas na súa totalidade mediante o apoio a proxectos de desenvolvemento sostible, principalmente na India.

Yann Arthus-Bertrand busca sacudir a conciencia de todos e poñer fin á inacción e ós discursos vacíos

OBXECTIVOS

Desde Europe Direct da Deputación da Coruña queremos proxectar esta película e celebrar un coloquio posterior co público asistente, co obxectivo de sensibilizar sobre a importancia de actuar a pequena escala para lograr os obxectivos globais da loita contra o cambio climático. O obxectivo desta iniciativa é contribuír ó debate a nivel local sobre asuntos como o esgotamento de recursos, o quentamento dos océanos, a destrucción de bosques ou a extinción de especies animais.

LUGAR: Sala de Audiovisuais da Biblioteca Provincial da Coruña (R/Riego de Agua, 37, 15001 A Coruña)

ENTRADA LIBRE ata completar aforo

DATA: Xoves, 3 de Decembro de 2009
DURACIÓN: 19:15 – 21:15 horas
DIRIXIDO A: público interesado en xeral

PROGRAMA

ORGANIZA:

“Estamos vivindo un período crucial. Os científicos dinnos que só temos 10 anos para cambiar os nosos modos de vida, evitar esgotar os recursos naturais e impedir unha evolución catastrófica do clima da Terra. Cada un de nós debe participar no esforzo colectivo, e é para sensibilizar ó maior número de persoas que realicei a película HOME”

“O que importa é que hoxe en día somos seis mil millóns de mentes pensantes con posibilidade de actuar. Esta película debe facernos comprender que todos temos responsabilidade e que todos podemos facer algo, cada un na medida das súas posibilidades”

Yann Arthus-Bertrand

PÁXINA OFICIAL: www.home-2009.com